ElKnaba Party

Just another WordPress.com site

Archive for the category “Revolution 2011”

نعم الله عليكم


واعتقد انه بعد حشد الاسلاميين بفكرة الجنة والنار وبالزيت والسكر ومايحدث فى بعض اللجان من منع المسيحين, والتصويت الجماعي, وتوجيه الناخبين, وغياب القضاة .. وغيره من التجاوزات والمنهجية فى التزوير بعد مرحلة اولى فاشله ايضا فى هذا “العرص” الديمقراطى والتزوير الكبير الذى يتخلله استفتاء بما لايخالف شرع الله

فاعتقد ان النتيجة سوف تكون اكثر من 65% نعم او اكثر حتى لايقول احد انها ليس اغلبيه ايضا .. وانا من “القله القليله” المتهمه بكل الاتهامات المتاحه الان من انصاف العاقلين او مدعين الدين  باتهامهم لنوعى بالكفر او معاداة الدين واننا ضد الشريعه “الاسلامية” زى ما هما متخيلين او زى ما هما فهمين “الشرع” اصلا ..  وده كمان بعد نجاح مرسى واتباعه فى تقسيم البلد الى نوعين .. اما انصارالتيارات السياسة الدينية واما الى مصريين !!؟؟

me

 واحب اقول مبروك عليكم وعلى اولادكم الدستور!!!  ومبروك لكل واحد من اللى عامل فيها انه فاهم او اللى عامل فيها انه بكده بينصر الدين او متخيل ان فيه استقرار بعد كده وقال نعم لهذا الدستورالعره .. ومليون مبروك للقطيع .. وعقبال ما اشوفكم انتم واهلكم وولادكم وولاد ولادكم متبهدلين ومتهانين بالقوانين اللى هتطلع بسبب هذا الدستور المشوه العره او بسبب ممارسات الحكومات والاوسخ ان مش بس الحكومات فاحنا هنلاقى مجاميع كمان بتمارس تدخل فى شئون المواطنين “حماية للطابع المصرى”!! وكمان نفسى اتفرج على القطيع لما يطلب منهم شهادة الفقر وقله القيمة علشان التامين الصحى يغطى علاجهم مثلا !!.. وطبعا غير مرتباتهم اللى ملهاش دعوه بالاسعار لانها مربوطه بالانتاج مثلا!! وبردو هنسمع عن ناس هتقبض بالملايين عادى جدا!! واحب اتفرج على القطيع لما يلاقى ان الدستور ده ملوش اى دعوة بفكرة تطبيق الشريعه الاسلامية اصلا!! وان الاخوان ملهومش فى الاسلام اصلا ولا جايين يطبقوه زى مابيتاجرو بالكلام ده!! واحب اشوف القطيع لما يلاقى رئيس الجمهورية بيحاسب نفسة بعد تعينة لرؤساء الاجهزة الرقابية مثلا ويكون راضى بادائهم مع بعض بالحب طبعا!! واتمنا اتفرج على اى جريده او صحفى من المساندين لما يتحبس عادى او الجريده تتقفل اصلا وسلملى على حرية التعبير

وانا كنت بدعو الناس لعدم المقاطعه والنزول للاستفتاء الكرتونى دى مش لايمانى ان فعلا فى امل فى الديمقراطية بالشكل الموجود عندنا مع كم الجهل والغباء والمتاجرة بعديمى الوعى والمتاجرة باسم الدين وكل ده لكن انا كنت مؤمن ان لازم ننزل علشان اكيد اللى بيزور هيعرف هو كذب اد ايهومحتاج يزور كمية عامله ازاى علشان يقول ان الاستفتاء مظبوط وان الاغلبيه معاه كمان!! يمكن من جواه يعرف ان فعلا الناس مش كلها قطيع معاه

the end

من المقولات اللى بتعجبنى اوى مقولة برنارد شو ” ان من عيوب الديمقراطية انها تجبرك على الاستماع الى راى الحمقى” والكلام ده اعتقد انه قاله من اكثر من 70 سنة وايضا مقولة اخرى احترمها جدا: فكر ولا تكن كالقطيع .. فالكثرة ليست دليلا على صحة المنهج .. وكمان مبداء مهم جدا: ان الحرام يبقى حراما حتى لو كان الجميع فاعله

وياريت محدش من القطيع يستغرب لما مايلقيش ان فيه تطبيق شريعه ولا فيه احساس بالفقير ولا استقرار ولا تنمية ولا عدالة اجتماعية ولا حرية .. وبردو ميستغربش ان بعض حقوقه هتتاخد منه بعد موافقته على هذا الدستور!! وان مفيش اى تغير حصل غير للاسوء !! ولا عزاء لعاصري الليمون .. والمجد للبرسيم يا بهائم

واحب بردو افتكر وافكركم ان فى شوية موجودين دلوقتى معانا هما جزء كبير من اللى احنا فيه!! مش قصدى بس على اللى عصرو الليمون او اللى سافرو العين السخنة فى الانتخابات الرئاسية مثلا!! لا انا بتكلم هنا على النخبة!!! من نوع علاء الاسوانى وابو الفتوح وحمدى قنديل ووائل غنيم ومعتز عبد الفتاح وشوية الاعلاميين امثال محمود سعد وغيرهم كثيرا اللى دلوقتى بيعتذرو بعد فوات الاوان .. وبالاخص شوية الاعلاميين اللى بيطبلو للاخوان ولسه شوية منهم دلوقتى هيبتدو يربو دقنهم كمان .. وانا بحملهم مسؤولية حاجات كتيره اوى حصلت فى الفترة القليله دى ولسه هيحصل الاسوء فى الفتره القادمة .. واحب افتكر كمان شب من اللى اضحك عليه من نخبة العار دى .. جابر .. “جيكا.. كل نطع من نخبتنا الجاهله المرتزقه دى هما سبب قتله علشان فهموه وفهمو شباب كثير ان الاخوان المجرمون دول فصيل وطنى وان مرسي العياط ده مرشح ثورة !!! ولازم نكون عارفين ان نخبة العار دى مش “كلها” متخلفه مثلا ومش عارفه ان ده هيحصل وان الاسوء قادم لكن فيهم كمان اللى فاهم كويس جدا هو بيعمل ايه .. يعنى متقولوش انهم اتضحك عليهم من الاخوان المجرمون مثلا ..  يعنى مثلا هل ابو الفتوح “الاخوانى” ميعرفش الاخوان مثلا؟؟ وهل علاء الاسوانى وحمدى قنديل ومحمود سعد مثلا ميعرفوش تاريخ الاخوان حتى من الكتب مثلا !!؟؟ وغيرهم وغيرهم .. لو فعلا انتم مش فاهمين او حتى استغربتم منهم فاعتقد بلاش التنظير وتمثيل دور النخبة الواعيه التى تقود الناس وتوعيهم وانت جهله !! واعتقد ان تكونوا جهله احسن من ان تكونو عملاء او خونه .. مع العلم ان اغلبهم سيتم تكفيره ومن الممكن فى مرحله قادمة سيتم التخلص منهم ان لم يرجعوا عن المعارضه .. واحب انوه عن معلومه صغيره .. فى ايران بعد الثورة التى قلبت الى الثورة الاسلامية تم اعدام 120 الف شخص .. والسلام ختام

صفحتنا

…………………..

وطبعا كل ده ياكد نظرية الاحا!! وايضا كان لنا استفسار لاخونا العياط منذ فترة بعد ابداء تخوفاتنا من دولة الجماعه ومن تاريخها  الذى سرب عن طريق اخبار كثيره للمهتم بالبحث فى ويكيليكس مثلا وحتى فى النيويورك تايمز .. وكل ما نخاف منه فى الاسرة الاولى من دولة الاخوان ان لاتكون عادلة .. فنحن لا نريد الكثير حتى وان يكونوا حكاما كفارا يحكمون بلدنا ولكن لانريد الجوع والخوف والجهل .. فنحن شعب متدين بطبعه – كما يقولو!!!؟- ولن نتغير بسهولة ودائما نتحايل حتى على الاحتجاج .. اتمنى ان نتحد جميعا حتى لا نندم

 
Advertisements

ترزى الخيانة


أحكام بالإعدام فى انتظار من سيصنفوا خونة بالمقاييس الجديدة من سيادة النائب العام الملاكي

………
النـائب العام الملاكى
أى تحريض من وسائل الإعلام على النظام الحالى حسب القانون الجديد يقع تحت طائلة القانون

واذا تم تقديم بلاغ لي بتهمة الانقلاب على الحكم بأدله دامغه سوف اتخذ الاجراءات القانونية وعقوبتها قد تصل للإعــــدام

النائب العام الجديد الملاكى يأكد لاهالى الشهداء انه لن يعيد التحقيقات دون وجود ادلة جديده
………

طيب من اخبار ال48 ساعه اللى بعد الاعلان الدستورى اللى جاب النائب الملاكى ده

النائب العام الملاكى يأمر بضبط واحضار حسام عيسى أستاذ القانون وأحد مؤسسي حزب الدستور بتهمة قلب نظام الحكم وإهانة الرئيس!! .. وبلاغ اخر للنائب العام الملاكى ضد البرادعي والسيد البدوى  وموسى وصباحي بدعوى قلب نظام الحكم والتحفظ على مقر حزب الوفد!! .. والتعدى بالضرب على النائب السابق فى البرلمان المنحل “ابو عز الحريرى” هو وزوجته وتكسير سيارته!! .. والتعدى بالضرب على النائب السابق فى البرلمان المنحل المهندس “حمدي الفخراني” وبعد هذا استدعائه لسماع أقواله في بلاغ أمين “الحرية والعدالة” بالمحلة بالتحريض على حرق مقر الحزب!! .. وصرح الفقيه الدستورى ابراهيم درويش ان لديه معلومات مؤكده بانه سيتم اعتقال عدد من الشخصيات السياسيه قريبا

طيب يعنى قرار اعادة فتح التحقيقات فى قتل الثوار ده قرار لتسلية الناس والتعاطف والتاييد من القطيع .. اما القرار بتحصين قرارات الرئيس قانونيا هيخلص بيها كل اللى هو عاوزه فى كام اسبوع الى جانب التخلص من كل المعارضين !!

وبعدين النائب العام الملاكى يعلن عن مواجهه الاعلاميين لتهمه قلب نظام الحكم والتى تصل عقوبته للأعدام لو ثبت عليهم هذا .. فى الحقيقة عمرنا ماشفنا النائب العام بتاع النظام “المستبد” صرح مثل هذا التصريح فى عز جبروت النظام السابق!! أعتقد لو الاعلاميين عندهم كرامه يمتنعوا عن تقديم قيادات الاخوان للشعب فى برامجهم

طيب استفسارات بسيطه

هل سنرى بعض الاعتقالات للسياسيين من زوار الفجر مرة اخرى!؟

هل سنرى اعدام معارضين او مفكريين بتهم محاولة الانقلاب!؟

هل سنرى اعدام اعلاميين بتهم محاولة الانقلاب!؟

هل ستغلق القنوات التى سيعدم فيها من يقول رأيه!؟

هل سنرى سحل فى الشوارع ومحاكمات من نيابة الثورة او اولاد الجماعه لاى شخص بتهمت الخيانه!؟

هل ترهيب الاعلاميين خطوة لاخراس كل المعارضين حتى تصل لحجب الانترنت وسجن واعدام اى شخص ينشر راى عن الرئيس والجماعه!؟

هل مراحل التقديس ستتم بوجود منصب المرشد العام كمنصب اساسي فى الدوله وليس الجماعه بدل الحكم من الظل دائما!؟

هل مصر ستكون ايران الجديدة ام افغانستان ام لن تكون هكذا ولكن ستكون مقسمة فعليا قريبا!؟

ياترى شيلت النائب العام ليه وعملتله قانون مخصوص!؟

هل سنرى أحكام بالإعدام فى انتظار من سيصنفوا خونة بالمقاييس الترزى الملاكى والبلاغات الكيدية لتصفية المعارضه!؟

..
معلومة للتاريخ
ما حدث فى ايران عام 1979 – وبعد ان مرروا الدستور وبانسحاب كافة القوى المدنية الايرانية – بسط نفوذه على السلطة – وقرر اعدام المعارضين – 110 الف معارض واذاع انهم فقط 30 الف تابعين لنظام الشاه السابق – كان يعلق المشانق امام المنازل وينفذ الحكم عليهم ويتركهم فى الشوارع لارهاب الاخرين الى ان سيطر على مقاليد الحكم – فاقال رئيس الحكومة المعتدل والذى هرب بعد ذلك للخارج – وفرض سيطرة وهيمنه رجال الدين- وكرس لحكم الملالى (المشايخ) ولالهاء الشعب قام بالقاء الجيش فى اتون حرب مع العراق لمدة ثمان سنوات ثم مواجهات مع الغرب انتهت بعزلته دوليا وفى الداخل قمع مفرط للمواطنين – حرمانهم من ابسط حقوقهم فى الرأى او الفكر او التعبير .. مصر فى اولى مراحل تحويلها الى ايران

 

 

………………………………………………………………..

فى صفحتنا

وايضا كان لنا استفسار لاخونا العياط منذ فترة بعد ابداء تخوفاتنا من دولة الجماعه ومن تاريخها  الذى سرب عن طريق ويكليكس ان الاخوان اتصلوا رسميا للمرة الاولى مع واشنطن بعد وفاة التلمسانى وايضا ان الاخوان جزء من الدعم الامريكى والسلفيون زوار معتادون لسفارة امريكا كما اعلنت النيويورك تايمز .. وكل ما نخاف منه فى الاسرة الاولى من دولة الاخوان ان لاتكون عادلة .. فنحن لا نريد الكثير حتى وان يكونوا حكاما كفارا يحكمون بلدنا ولكن لانريد الجوع والخوف والجهل .. فنحن شعب متدين بطبعه ولن نتغير بسهولة ودائما نتحايل حتى على الاحتجاج .. اتمنى ان نتحد جميعا حتى لا نندم

دولة الاخوان – الاسرة الاولى


كنا قد حظرنا من دولة الجماعة الميكافيلية سابقا وما سيحدث لمحاولة احكام السيطرة  .. وكان بردو عندنا استفسار لاخونا العياط لو هو فعلا كان عايز يشتغل على نظافة !!

اعلان مرحلة الدولة الاخوانية الاسرة الاولى كما قالها بديع المرشد يوم 21نوفمبر فى تصريح صحفى جاء فيه انه جاء الوقت لسيطره الاخوان على الحكم!! ثم يعلن القرارات الثورية بعدها بيوم وبعد زيارة كلينتون لمصر ايضا!!

..

……………

مختصر هذه القرارات الثورية ليوم 22 نوفمبر

القضاء لا قيمة له
هدم مفهوم الدولة والشرعية
منع المشاركين في الثورة من كتابة دستور الثورة
الضحك على اهالى الشهداء
رشوة لأهالي الشهداء
فرض حصانه على اللجنة التاسيسية
لن يكون لأي مؤسسة أو هيئة أن تراجعه في قراراته .. طبعا إلا مكتب الإرشاد
اصدار قانون باسم الثورة فقط لاقامة محاكمات لاى معارض بحجه حماية الثورة

……………

ودى قمة الكوميديا ان ناس تنزل تتظاهر ضد تأسيسية الدستور فالرئيس يكون رده التأسيسية محصنة!!! وقمة الكوميديا ان كل الشعب تقريبا ماعدا تيار واحد بس ينسحبوا من التأسيسية وتفضل مكملة عادي ولا كئن حاجة حصلت !!!! لا وكمان تتحصن !!!

 وطبعا أن تطمع فى السلطه .. فانت انسان!!  وهذا حقك  .. لكن ان تطمع فى السلطة والمعارضة فى نفس الوقت .. فانت اخوان

وكل هذا يثبت نظرية احا على المع-الرصين !

وفعلا نحن نحتاج اما نتحد او نموت جميعا فى مستنقع الاخوان وبداية دولة فاشية جديده لم نرى مثلها

صفحتنا 

اثبات نظرية احا على المع-الرصين


الاحا كما نعرف انها اختصار كلمة احتجاج فى زمن قمعى سابق فى مصر لمنع المواطنين فى العصر الفاطمى من قول كلمة احتجاج او مشتقاتها..

وفى اللغة .. “الرصين” او الرزين هو الشخص الواقعى الهادئ والوقور المتزن!!

..

..
وبصراحة بيعجبنى اوى ان شخصيات جماعه الاخوان كلهم شخصيات “رصينه” وان فكر الجماعه كلها ان يتبعوا منهج هؤلاء الاشخاص وايضا هؤلاء الاشخاص يتبعوا مرشد يتبع فكر شخص اخر هو صاحب فكرة الجماعه ومنهجها … وياتى كل من يتفق مع هذا الفكر اما بدخولة الجماعه او مباركته للفكر من خارجها ليكون كل من فى الجماعه واحبائها هم جماعة .. ” مع-الرصين”

النتيجة ان الجماعة هى جماعة الاخوان اللى “مع-الرصين” !!!!

وكل هذا يثبت نظرية احا على المع-الرصين !!!!

وهو دين ابوكم اسمه ايه صحيح!!؟

نتحد او نموت جميعا


مصر تتجه ناحية الطائفية والارهاب ومايحدث فى سيناء مجرد بداية وبكرة هيحصل فى العتبة والتحرير والعباسية والمنشية ومحطة الرمل…

الى فاكر ان عبود وطارق الزمر وعاصم عبد الماجد و أبو العلا عبد ربه هم النهاية لظهور القتلة ليتفاخروا بجرائمهم!!! .. لا انت غلطان!!!

والى فاكر ان القتلة الى بيظهروا هما بس الى قتلوا عساكر ومجندين وسياسيين وكمان مفكرين وادباء!!! .. بردو انت غلطان!!!

استمرار الارهابيين والقتلة والمجرمين فى الظهور علنا والفخر بقتل ضحاياهم .. هل تعلم ان ابناء الضحايا الى الان احياء ويرون باعينهم التفاخر بقتل اباؤهم!!!

والسبب فى كل اللى احنا فيه دا كل الخونه والنخبة الجاهلة واغبياء العسكر و كلاب وقطيع الاخوان والثوار بغبائهم والاندفاع فى حروب وهمية بعد تقسيم المجتمع الى فلول ونخبة وثوار وعبيد وغير ذلك من التقسيم المتخلف لابعاد الكل وافساح المجال لاوسخ فصائل المجتمع لتنقض عليه وطبعا عاصرى الليمون .

للاسف الاسوء قادم لعدم الالتفات للمصلحه العامه حتى الان ومصلحة الوطن ومستقبلنا جميعا!!!

فيوجد منا من ينغمس فى المشاكل الفرعية والحلول الرجعيه والتشفي فى الاخطاء واصطيادها لبعضنا البعض فقط .. وكارثه العمل للمصلحه الشخصية او لمصلحه حزب اوجماعه وايدولوجيا بعينها فيحارب الجميع فقط لهذه المصلحه وعدم تقبل الاخر والصعود على المخالفين فقط للمصلحه الشخصية .. وعدم تقبل النقد وهذه مشكلة ثقافه فحينما اكون معارض لفكر ليس بالتالى يجب ان تنظر لى كعميل كافر رجعى وتضعنى فى خانه العدو وليس فى خانه الماعارض لفكرك فقط!!

فلول, ثوار, عبيد, اسلاميين, ليبراليين, اقباط, علمانيين, عسكر ونخبة …. اما ان نتحد او نموت جميعا من غبائنا!!!

 

فى صفحتنا 

التعليم فى عصر النهقة


التعليم: ” الآى باد” بديل عن الكتاب في الفصل الدراسي الثاني

أعلن الدكتور إبراهيم غنيم وزير التربية التعليم ، أن الفصل الدراسى الثانى من العام الدراسى الحالى، سيشهد بدء تطبيق تجربة “أسبوع بلا حقيبة” فى 3 مدارس ، سيعتمد طلابها على أجهزة (أى باد) كبديل عن الكتاب المدرسى ، مطالبا الطلاب بالدخول على موقع الوزارة ووضع مقترحاتهم لتطوير الكتاب المدرسى.

جاء ذلك خلال زيارة الوزير بمحافظة القليوبية صباح اليوم “الاثنين”، وعقد لقاء مع مديرى الإدارات التعليمية ومسئولى التعليم بالمحافظة.

…..

ء

….

الكلام ده قاله وزير التعليم بعد كم “كلام” عن المناهج وتطوير اسلوب التعليم وغيره من الكلام الحلو اللى على طول بيتقال لكن مفيش اى تحرك ملموس فى هذا الموضوع وطبعا بس شوفنا اضافه لحسن البنا فى كتب التاريخ وشيل حلايب وشلاتين من خريطه مصر فى الجغرافيا حتى الان .. وطبعا مشكله التعليم موجوده عندنا من زمن طويل والنظام القديم كان بردو متخاذل فيها . والحق يقال ان كان فى اخر كام سنه فى اتجاه لتطوير المدارس وتم بالفعل العمل على كم مدارس كتيره فى مناطق محتاجه ولكن لسه الشغل كتير علشان نحس باختلاف شكل التعليم فى بلدنا

لكن السؤال لوزير حكومة النهقة

السؤال الآى باد على مين !!!!

وبعدين تجربة ايه اللى تشمل 3 مدارس فقط دى!!
تركيا والصين وزعو بديل الآى باد من الصناعه المحلية او تدعيمه للطلبه مش بالاستخفاف ده !!
وبعدين الاول يكون فيه تعليم حقيقى!!

ومناهج محترمه!!

وفصول!!

ومعلم ياخذ ما يستحق!!

وطلبه لهم اماكن!!

ومكان للرياضه!!

واهتمام بالفهم والتوعيه ليس بالحفظ!!!

وتطوير مناهج لتكون على مستوى مقبول عن هذه المناهج المنتهيه صلاحياتها اصلا!!!

نيويورك تايمز:الإخوان جزء من الدعم الأمريكي والسلفيون زوار معتادون لسفارة أمريكا


في تقرير لها عن تغير السياسات الأمريكية ..
«تايمز»:الإخوان جزء من الدعم الأمريكي والسلفيون زوار معتادون لسفارة أمريكا

..

..

نشرت صحيفة «النيويورك تايمز» تقريرا حول التغير في السياسات الأمريكية إزاء مصر في عهد الإخوان المسلمين بعد وصولهم للحكم فى مصر،و تقول في التقرير أنه لعل التغيير الأكثر جذرية في السياسة الخارجية للولايات المتحدة في عهد الرئيس أوباما قد حدث هنا في مصر، حيث جماعة الإخوان المسلمين أصبحت على ارض الواقع جزء من الدعم الأميركي.

ليس ذلك فحسب: “بل أن السياسيين السلفيين أصبحوا من الزوار المعتادين للسفارة الأميركية بالقاهرة ، التي تطبق نظرية أنه من الأفضل أن يكون هؤلاء السلفيون داخل الخيمة بدلا من خارجها ، وهو ما مكن السلفيون من زيارة الولايات المتحدة للاطلاع على كيفية سير النظام الديمقراطي على الأرض”.

بطبيعة الحال، فإن التفكير الأميركي الجديد يعي أنه ليس من الممكن أبدا الاتفاق مع هؤلاء السلفيين في مجال حقوق المرأة، على سبيل المثال، ولكن هذا لا يعني أنه لا يمكن أن تكون هناك علاقة منفعة متبادلة مع الغرب أو عملية التطور.

والانقلاب الدراماتيكي، يتمثل في أن الولايات المتحدة كانت تؤيد باستمرار الرئيس السابق حسني مبارك الذي قاد حملة ضد الإخوان أما الآن فأن جماعة الإخوان أصبحت تحتل هذه المكانة في التفكير الاستراتيجي الأمريكي.

ويؤكد تقرير الصحيفة الأمريكية أن التنبؤ بما يحدث في مصر اليوم أمرا صعب فالأمة التي تقع في قلب المجتمع العربي في حالة تغير مستمر ومع ذلك، يجب القول أن الولايات المتحدة أحسنت الاختيار؛ و أن هذه السياسة الجديدة للاشتباك والتعامل مع التيارات الإسلامية في الشرق الأوسط هو أمر مفيد، ولهذا ينبغي أن يمتد هذا النموذج.

و اختتمت نيويورك تايمز تقريرها، بالتأكيد على أنه قد حان الوقت للتغلب على “عدم التفاهم وقصور الاتصالات” وهذا لن يمكن أن يحدث إلا من خلال العمل مع القوات الحقيقية للمجتمعات العربية بدلا من اوهام العزل و البقاء داخل اوهام “المنطقة الخضراء” .

الخبر  فى صفحتنا

احنا شعب متدين بطبعه


اتضح ان الناس اللى كانت بتطلب “عيش .. حرية .. عداله اجتماعية” من يوم 25 يناير .. اللى كان منهم ليبراليين وعلمانيين بردو كان قصدهم انهم عيزينها اسلاميه بس هما اللى مش وخدين بالهم!! لان احنا شعب متدين بطبعه

وبالتالى حصل تعديل بسيط على شعارات 25 يناير ليتحول الى 

” العيش .. للحرية والعدالة .. الاخوانية “

ikhwan

وكالمعتاد الناس هتبتدى تقول ان كده انا ضد “الاسلام” .. لكن هو مين قال ان قبل كده مثلا كنا كفار!! وبعدين مين قال ان الاسلام بتعاليمه حكر على فصيل او اخر!!!؟

بالفعل كنت اتمنى ان ارى الشعب – المتدين بطبعه – عايشين بمبادئ الدين السليمه اسلاميا او مسيحيا ايضا وكنت انتظر من الاخوان ان يشاركو فى الحياه السياسية طبعا ولكن ليست كحكر عليهم وعلى من يوافقون عليه وكنت اتمنى ان يطبقوا شعارهم “واعدوا” ويكون فيه اعداد حقيقى ببذرة فكر البنا من حيث ان يكون الشاب صالح الخلق والجسد والفكر ايضا وان يعدوا المجتمع كجزء منه بنشر فكر متدين متطور وسطى كما اعتادو ذكر هذه الجوانب وليس فقط فكر للسيطره السياسية .. وايضا تمنيت من السلفيين الذى كان مشكلتهم كما يقولوا ان النظام السابق كان يمنعهم من الدعوه فى سبيل الله ويمنع بعض المشايخ من الخطب مثلا فكنت اتمنى ان يقوموا بما منعوا منه من الدعوه اكثر من اهتمامهم من الدخول فى السياسة ومحاولة اظهار القوى والمنافسه بكل قوة فى هذا المجال فقط .. حتى تغير الفكر الدينى للمصلحه السياسية من الافتائات المناسبة سياسيا والتكفير للمعارضه وما الى غيره .. مع العلم ان احنا شعب متدين بطبعه

ikhwan and salaf

واحنا طبعا كشعب متدين بطبعه .. بعيد عن كم الحوادث الغريبة اللى عندنا من سرقة وقتل وتحرش ودعارة ومخدرات والخمور اللى موجوده عندنا !! .. وايماننا الشديد  بيبان اوى لو شفنا حد بيضرب طفل مثلا فى الشارع لازم نقولة “حرام عليك” مش بنقوله حتى ده غلط !!! ودى اكثر ظاهرة دينية عندنا

واحنا طبعا شعب متدين بطبعه .. مع ان التحرش عندنا من كبار وصغار وحتى ستات كمان بيتحرشو!! والتحرش دلوقتى ظاهرة عادية جدا طبعا وكمان بالذات فى المناسبات والاعياد كنوع من انواع الاحتفالات عندنا والتحرش للجميع حتى كمان للمحجبات اكثر!! غير طبعا كدولة متدينه وسياحية فاكثر نسبة تحرش لو اى سائحه فكرت انها تنزل تتمشى فى شوارع مصر الامان  ممكن ميفضلش فى جسمها حته غير لما تكون اتلمست طبعا .. مع العلم ان اغلب الاجانب فى مصر – والقاهرة بالاخص – بيكون عندهم تعليمات ان احنا دولة “متدينه بطبعها” فلما بينزلو الشارع بيكونو دائما لبسين لبس  واسع ومش شفافا الا قليل منهم .. وفيه عندنا مراحل غير التحرش كمان .. فيه كمان اغتصابات كتير- اكتر من تخيلنا فعلا – فلما نلاقى جمعية خيرية تعمل فرع للامهات الصغيرات ” المغتصبات”  ونلاقى الشعب المتدين بطبيعته يتدايق من فكرة مساعدتهم دول بالذات وساعات يشترط ان المساعدات متكنش للفرع ده بالذات

احنا عندنا حوالى 14 الف طفل بيتولد كل سنه من علاقة غير شرعية !!! ودول اللى اغلبهم بنشوفهم كاطفال شوارع وبنقرف ساعات منهم !! احنا كشعب متدين بطبيعته عندنا مليون ونص الى 2 مليون طفل شوارع .. وعندنا 1 من كل 5 طلاب فى الجامعة متزوج سرا “عرفيا” .. طبعا ده غير البنات اللى بتبيع نفسها حتى لو ب20 جنية ولا باى حاجه علشان تاكل 

واحنا طبعا كشعب متدين بطبعه .. بردو تلاقى حوادث قليله زى قتل ابن لامه او قتل ابن لابيه او حتى العكس والاجدد ظهور حوادث اغتصاب داخل الاسر او زنا محارم ايضا 

واحنا طبعا كشعب متدين بطبعه .. مع وجود الخمرة من زمان لكن تشوف مظاهر التدين فى ان البارات مقفولة فى مولد النبى وليلة راس السنه الهجرية .. واللى طبعا المناسبتين دول السلفيين اصلا ضد الاحتفال بيهم باى شكل .. لكن المشكلة الاكبر والاخطر والاكثر انتشارا هى كم الحشيش والمخدرات المنتشر بشكل غير مفهوم بين كل فئات الشعب من اعلى مستوى اى ادنى مستوى اجتماعى ايضا .. وبالنسبة للبرشام اللى دمر اغلب شباب المناطق العشوائية على جميع الاعمار .. لكن اكثر حاجه بتجننى كمان هى حرمانية الخمور فقط عند البعض – وهم كثيرون – ولكن المخدرات كنباتات فهى مش حرام اوى والالطف الشيوخ الحشاشين او الافيونجية!! على اعتبار انه نبات منبة منشط .. وده فكر موجود من مجاهدين افغانستان لغاية المقري اللى فى مدافن البساتين

الغريب بردو عندنا كشعب متدين بطبيعته .. تلاقى فى رمضان بس كم حملات الدعاية للجمعيات الخيرية اللى بتحاول تعمل دور فى البلد .. ولو رحت تزورها هتلاقى كمية معقولة تفاعلت مع الاعلان ولكن بعد رمضان لغاية السنه اللى بعديها محدش بيروح غير يدوبك كام واحد ويفض الطفل اللى عنده سرطان ولا اللى عنده مشكلة فى القلب ولا الاعمى ولا القرى الفقيرة كلة منتظر رمضان اللى بعده علشان الشعب المتدين بطبعه يفتكره مره تانية .. غير كمية الناس اللى بتتفرج على الاعلانات دى وتقرف او كمان تشكك فى الجمعيات دى وتقول انهم نصابين طبعا .. وفيه اللى بيتعاطف مع الموضوع ويبقى نفسه يروح لكن يفضل لغاية مايشوف الاعلان فى رمضان اللى بعده ويقول ده انا نفسى اروح فعلا السه دىوبردو مايروحش .. وفيه ناس كتير بتعتاد الفرجه فقلبها يجمد ويفقد حتى التعاطف 

وبردو علشان احنا شعب متدين بطبعه .. فكان فى البرلمان زمان مجموعه اخوانية لما كانوا محظورين وكان فيهم نائب اسمه مرسى العياط – اللى ربنا كرمه بعد كده وخد مصر- وهالنائب ده هاجم الحكومة علشان مره بتتكلم عن القروض وقال ان ده طبعا ربا .. وياما كنا نشوف اسئله فى كل القنوات الاسلامية بتسئل عن القروض والفوائد والشيوخ كانت دائما تقول ان ده ربا طبعا .. وفيه منهم بس اللى كان يحللها للناس لعدم وجود البديل بس وياما قالو الشيوخ السلفيين لاتباعهم على ان اللى بيحصل لمصر ده كله من امال الربا والقروض .. الغريب ان نفس الاشخاص المتدينين بطبعهم دول اللى بيحللوا الربا والقروض لما بيحكموها الفكر الاسلامى واللى عايزينها تبقى اسلامية دلوقتى .. على اعتبار انها كانت بوزيه قبل كده!! مع قله دلوقتى لسه فيهم الخير وعلى نفس مبدائهم 

واحنا كشعب متدين بطبعه .. طبعا الظواهر دى لما تناقشها مع اى حد من المتدينين بطبعهم يقولك من ده كله من فساد النظام السابق وفساد الاعلام والافلام والانفتاح الزائد!! على اعتبار ان احنا فعلا دولة منفتحه فكريا او ثقافيا !! مع العلم ان زمن الفن الجميل كما يسمى – مع اعتراضى على هذا المسمى طبعا – اعتقد ان هو ده الزمن اللى كان فيه نسبة الرقاصات اللى فى الافلام اكثر بكثير ومع جرئة اكثر فى الفن ومع الاستعراضات ووجود فنانات اغراء وايضا كانت الموضه اصلا المينى والميكروجيب فى الشوارع وقله الحجاب وانعدام النقاب وندرة الذقون!!؟ 

wake up

فى كل الاحوال انا كموحد بالله غصب عن اللى يعترضو على كلامى ويحولوه من نقض سياسى لتكفير .. لا يشرفنى تيار الدين السياسى بادائة حتى الان .. من نوعية النواب المتحرشين والمتجملين والنصابين ومن نوعية حرامية الاثار والسولار وتجار السلاح ومن نوع الممولين اللى ليهم انتمائات وولاء لجهات اخرى غير وطنى ودينى .. ومن نوع اللى مش عارفين امهم جنسيتها ايه اصلا مثلا ومن انواع تجار الدين وتجهيز فتاوى مخصوصه وتغيير اراء وفتاوى ايضا لمصلحة الكرسى واتباع الكرسى فقط ومحللين الربا 

وفعلا الغريب ان احنا وصلنا لدرجة ان العلمانيين بيحاولو يقنعو الاسلاميين ان الاقتراض من صندوق النقد الدولى مثلا بالفوائد دى حرام والاسلاميين السياسيين واتباعهم من القطيع المطيع هما اللى مش مقتنعيين

ibn elayat

ونموزج كمان من ان احنا شعب متدين بطبيعته والرمز احمد مرسى العياط !! .. وياريت يا جماعه حد يقول للشب احمد ابن العياط يخلية فى حاله وميدخلش نفسه فى لجنة الدفاع عن السياسة الرشيده لمكتب الارشاد اللى ابوه بيخدمهم لغاية النهارده ويفهم ان التبرير المستمر معناه محاوله لتجميل الكوارث والافعال المتخلفه الصادرة منه ومن اللى مشغل ابوه وعشيرته .. وياريت بردو مش كل شوية يحسبن على الناس ويخوفهم بالادعية والايات ومحاولة تقديس ابوه بحزبة وهو اصلا لما اتبعتله لينك على فيديو خليع راح دايس عليه علشان يتفرج على طول .. وبردو بعديها لما اتقاله ان ايه ده راح طالع بكلام دين لنفى الحدث اصلا والحسبنه على الناس ادعاء الظلم والكلام ده .. اما انك تلعب بالشكل الدينى او تلعب بالشكل السياسى او حتى الفكرى بس ياريت مندخلش كل حاجه فى بعض 

يا ناس حرام تظلموا الاديان بافعالكم دى يا احقر سفراء لدينكم ووطنكم يا شوية دقون عيره 

وفاة الرئيس السابق


 تضارب الاخبار حول وفاة الرئيس السابق محمد حسنى مبارك!! فهناك من يؤكد وهناك من ينفى الخبر ويقول انها اشاعه!!

وفى كل الاحوال هو الان مابين الاحتضار او المرض الشديد، وللعلم فان اغلب رؤساء الدول لا يعلن عن خبر وفاتهم الا بعد اتخاذ بعض الاجرائات من تأمين واخبار من يجب اخبارهم وقياس رد الفعل وتهيئته

ولكن السؤال الان ..

Muhammad Hosni El Sayed Mubarak former President

من سيقول مالهذا الرجل وما علية فقط بدون زيادة او نقصان .. خوفا او مجاملة !!؟

من عنده الجراءة ليقول الحق عن هذا الرجل!!؟

كيف ستتم مراسم الدفن!!؟ 

ومن سيحضر الدفن والعزاء!!؟ 

وما مصير التهم التى يتهم بها!!؟

ومن سوف يقوم بالرد على كم الاشاعات التى حوله!!؟

كيف القصاص منه ان مات فى هذه الظروف والناس تغلى !!؟

كيف القصاص له ان ظلم فى اشياء واقوال فى هذه الظروف ايضا !!؟

من سوف يؤرخ تاريخه كاملا وهذه الفتره بدقه وحيادية بالحقائق فقط .. لما له وما عليه !!؟

ومن سوف يقول الحق فى هذا الرجل!!؟

واسئلة كثيرة لا اعتقد ان الاجابة ستكون مرضية لاى احد

……..

وللتذكرة فقط

قال رسول الله -صلى الله عليه وسلم قال الله تبارك وتعالى : يا عبادي إني حرمت الظلم على نفسي ، وجعلته بينكم محرماً ؛ فلا تظالموا

قال الله تعالى :  [ وَأَعْتَدْنَا لِلظَّالِمِينَ عَذَاباً أَلِيماً ] وقال : [ إِنَّهُ لاَ يُفْلِحُ الظَّالِمُونَ ] وقال : [ إِنَّ اللَّهَ لاَ يَهْدِي القَوْمَ الظَّالِمِينَ ] وهدد الله جل جلاله الظالمين بسوء العاقبة وشؤم المنقلب فقال: [ وَسَيَعْلَمُ الَّذِينَ ظَلَمُوا أَيَّ مُنقَلَبٍ يَنقَلِبُونَ ]يقول النبي صلى الله عليه وسلم “اتقوا الظلم فإن الظلم ظلمات يوم القيامة”. والظلم ما شاع في أمة إلا أهلكها  ولا انتشر في بلدة إلا خربها ولا حل في قرية إلا دمرها قال تعالى [ وَتِلْكَ الْقُرَى أَهْلَكْنَاهُمْ لَمَّا ظَلَمُوا وَجَعَلْنَا لِمَهْلِكِهِم مَّوْعِدًا] وانى احب ان اذكركم ونفسى بهذه الايات وارجو ان نحترم الموت ان جاء لهذا الرجل ونترك الزمن يقيم فعله ونحاول ان لا نظلمه حتى ان ظلم

ويكيليكس: جثة اسامة بن لادن لم تلق في البحر


“ويكيليكس”: جثة اسامة بن لادن لم تلق في البحر

اكد موقع “ويكيليكس” المعروف بنشره وثائق سرية عن المراسلات بين الدبلوماسيين الامريكيين حول العالم، أن جثة زعيم تنظيم القاعدة السابق أسامة بن لادن لم تلق في البحر، بل نقلت في طائرة خاصة الى الولايات المتحدة.

ونشر الموقع يوم السبت 3 مارس ثلاث وثائق لشركة “ستراتفور” الاستخباراتية تفيد بأن جثة بن لادن مخبئة داخل معهد القوات المسلحة لعلم الأمراض في مدينة ب

يثيسدا بولاية ميرلاند الامريكية.

وأكدت الوثائق أنه تم نقل جثمان بن لادن الى الولايات المتحدة على متن طائرة تابعة لوكالة المخابرات المركزية “سي آي ايه”. هذا ولم تنشر الولايات المتحدة حتى الآن صورا لجثة بن لادن، ما برره الرئيس الأميركي باراك اوباما بقوله: “لا يساورنا شك في أننا قد قتلنا أسامة بن لادن.. المهم لنا ألا تؤدي صورة فوتوغرافية لشخص أصيب برصاصة في الرأس إلى إثارة أعمال عنف، وألا تستعمل كوسيلة دعائية”.

وهو ما يبقي نظرية التشكيك بمقتله والقائه في عرض البحر قائمة.

وذهب الخوف باوباما من الارهابي رقم واحد بالنسبة لبلاده، ان اكد لمحطة “سي بي إس” التلفزيونية الأميركية ان “القوات الأميركية تعاملت باحترام مع جثة بن لادن عندما رميت في البحر”.

هذا وردت انباء ان بن لادن أصيب برصاصتين في الرأس إحداهما فوق العين اليسرى مباشرة مما تسبب بانفجار الرأس.

المصدر الاصلى روسيا اليوم بنفس العنوان

على صفحتنا

Post Navigation