ElKnaba Party

Just another WordPress.com site

Archive for the tag “الاخوان”

ترزى الخيانة


أحكام بالإعدام فى انتظار من سيصنفوا خونة بالمقاييس الجديدة من سيادة النائب العام الملاكي

………
النـائب العام الملاكى
أى تحريض من وسائل الإعلام على النظام الحالى حسب القانون الجديد يقع تحت طائلة القانون

واذا تم تقديم بلاغ لي بتهمة الانقلاب على الحكم بأدله دامغه سوف اتخذ الاجراءات القانونية وعقوبتها قد تصل للإعــــدام

النائب العام الجديد الملاكى يأكد لاهالى الشهداء انه لن يعيد التحقيقات دون وجود ادلة جديده
………

طيب من اخبار ال48 ساعه اللى بعد الاعلان الدستورى اللى جاب النائب الملاكى ده

النائب العام الملاكى يأمر بضبط واحضار حسام عيسى أستاذ القانون وأحد مؤسسي حزب الدستور بتهمة قلب نظام الحكم وإهانة الرئيس!! .. وبلاغ اخر للنائب العام الملاكى ضد البرادعي والسيد البدوى  وموسى وصباحي بدعوى قلب نظام الحكم والتحفظ على مقر حزب الوفد!! .. والتعدى بالضرب على النائب السابق فى البرلمان المنحل “ابو عز الحريرى” هو وزوجته وتكسير سيارته!! .. والتعدى بالضرب على النائب السابق فى البرلمان المنحل المهندس “حمدي الفخراني” وبعد هذا استدعائه لسماع أقواله في بلاغ أمين “الحرية والعدالة” بالمحلة بالتحريض على حرق مقر الحزب!! .. وصرح الفقيه الدستورى ابراهيم درويش ان لديه معلومات مؤكده بانه سيتم اعتقال عدد من الشخصيات السياسيه قريبا

طيب يعنى قرار اعادة فتح التحقيقات فى قتل الثوار ده قرار لتسلية الناس والتعاطف والتاييد من القطيع .. اما القرار بتحصين قرارات الرئيس قانونيا هيخلص بيها كل اللى هو عاوزه فى كام اسبوع الى جانب التخلص من كل المعارضين !!

وبعدين النائب العام الملاكى يعلن عن مواجهه الاعلاميين لتهمه قلب نظام الحكم والتى تصل عقوبته للأعدام لو ثبت عليهم هذا .. فى الحقيقة عمرنا ماشفنا النائب العام بتاع النظام “المستبد” صرح مثل هذا التصريح فى عز جبروت النظام السابق!! أعتقد لو الاعلاميين عندهم كرامه يمتنعوا عن تقديم قيادات الاخوان للشعب فى برامجهم

طيب استفسارات بسيطه

هل سنرى بعض الاعتقالات للسياسيين من زوار الفجر مرة اخرى!؟

هل سنرى اعدام معارضين او مفكريين بتهم محاولة الانقلاب!؟

هل سنرى اعدام اعلاميين بتهم محاولة الانقلاب!؟

هل ستغلق القنوات التى سيعدم فيها من يقول رأيه!؟

هل سنرى سحل فى الشوارع ومحاكمات من نيابة الثورة او اولاد الجماعه لاى شخص بتهمت الخيانه!؟

هل ترهيب الاعلاميين خطوة لاخراس كل المعارضين حتى تصل لحجب الانترنت وسجن واعدام اى شخص ينشر راى عن الرئيس والجماعه!؟

هل مراحل التقديس ستتم بوجود منصب المرشد العام كمنصب اساسي فى الدوله وليس الجماعه بدل الحكم من الظل دائما!؟

هل مصر ستكون ايران الجديدة ام افغانستان ام لن تكون هكذا ولكن ستكون مقسمة فعليا قريبا!؟

ياترى شيلت النائب العام ليه وعملتله قانون مخصوص!؟

هل سنرى أحكام بالإعدام فى انتظار من سيصنفوا خونة بالمقاييس الترزى الملاكى والبلاغات الكيدية لتصفية المعارضه!؟

..
معلومة للتاريخ
ما حدث فى ايران عام 1979 – وبعد ان مرروا الدستور وبانسحاب كافة القوى المدنية الايرانية – بسط نفوذه على السلطة – وقرر اعدام المعارضين – 110 الف معارض واذاع انهم فقط 30 الف تابعين لنظام الشاه السابق – كان يعلق المشانق امام المنازل وينفذ الحكم عليهم ويتركهم فى الشوارع لارهاب الاخرين الى ان سيطر على مقاليد الحكم – فاقال رئيس الحكومة المعتدل والذى هرب بعد ذلك للخارج – وفرض سيطرة وهيمنه رجال الدين- وكرس لحكم الملالى (المشايخ) ولالهاء الشعب قام بالقاء الجيش فى اتون حرب مع العراق لمدة ثمان سنوات ثم مواجهات مع الغرب انتهت بعزلته دوليا وفى الداخل قمع مفرط للمواطنين – حرمانهم من ابسط حقوقهم فى الرأى او الفكر او التعبير .. مصر فى اولى مراحل تحويلها الى ايران

 

 

………………………………………………………………..

فى صفحتنا

وايضا كان لنا استفسار لاخونا العياط منذ فترة بعد ابداء تخوفاتنا من دولة الجماعه ومن تاريخها  الذى سرب عن طريق ويكليكس ان الاخوان اتصلوا رسميا للمرة الاولى مع واشنطن بعد وفاة التلمسانى وايضا ان الاخوان جزء من الدعم الامريكى والسلفيون زوار معتادون لسفارة امريكا كما اعلنت النيويورك تايمز .. وكل ما نخاف منه فى الاسرة الاولى من دولة الاخوان ان لاتكون عادلة .. فنحن لا نريد الكثير حتى وان يكونوا حكاما كفارا يحكمون بلدنا ولكن لانريد الجوع والخوف والجهل .. فنحن شعب متدين بطبعه ولن نتغير بسهولة ودائما نتحايل حتى على الاحتجاج .. اتمنى ان نتحد جميعا حتى لا نندم

Advertisements

اثبات نظرية احا على المع-الرصين


الاحا كما نعرف انها اختصار كلمة احتجاج فى زمن قمعى سابق فى مصر لمنع المواطنين فى العصر الفاطمى من قول كلمة احتجاج او مشتقاتها..

وفى اللغة .. “الرصين” او الرزين هو الشخص الواقعى الهادئ والوقور المتزن!!

..

..
وبصراحة بيعجبنى اوى ان شخصيات جماعه الاخوان كلهم شخصيات “رصينه” وان فكر الجماعه كلها ان يتبعوا منهج هؤلاء الاشخاص وايضا هؤلاء الاشخاص يتبعوا مرشد يتبع فكر شخص اخر هو صاحب فكرة الجماعه ومنهجها … وياتى كل من يتفق مع هذا الفكر اما بدخولة الجماعه او مباركته للفكر من خارجها ليكون كل من فى الجماعه واحبائها هم جماعة .. ” مع-الرصين”

النتيجة ان الجماعة هى جماعة الاخوان اللى “مع-الرصين” !!!!

وكل هذا يثبت نظرية احا على المع-الرصين !!!!

وهو دين ابوكم اسمه ايه صحيح!!؟

التعليم فى عصر النهقة


التعليم: ” الآى باد” بديل عن الكتاب في الفصل الدراسي الثاني

أعلن الدكتور إبراهيم غنيم وزير التربية التعليم ، أن الفصل الدراسى الثانى من العام الدراسى الحالى، سيشهد بدء تطبيق تجربة “أسبوع بلا حقيبة” فى 3 مدارس ، سيعتمد طلابها على أجهزة (أى باد) كبديل عن الكتاب المدرسى ، مطالبا الطلاب بالدخول على موقع الوزارة ووضع مقترحاتهم لتطوير الكتاب المدرسى.

جاء ذلك خلال زيارة الوزير بمحافظة القليوبية صباح اليوم “الاثنين”، وعقد لقاء مع مديرى الإدارات التعليمية ومسئولى التعليم بالمحافظة.

…..

ء

….

الكلام ده قاله وزير التعليم بعد كم “كلام” عن المناهج وتطوير اسلوب التعليم وغيره من الكلام الحلو اللى على طول بيتقال لكن مفيش اى تحرك ملموس فى هذا الموضوع وطبعا بس شوفنا اضافه لحسن البنا فى كتب التاريخ وشيل حلايب وشلاتين من خريطه مصر فى الجغرافيا حتى الان .. وطبعا مشكله التعليم موجوده عندنا من زمن طويل والنظام القديم كان بردو متخاذل فيها . والحق يقال ان كان فى اخر كام سنه فى اتجاه لتطوير المدارس وتم بالفعل العمل على كم مدارس كتيره فى مناطق محتاجه ولكن لسه الشغل كتير علشان نحس باختلاف شكل التعليم فى بلدنا

لكن السؤال لوزير حكومة النهقة

السؤال الآى باد على مين !!!!

وبعدين تجربة ايه اللى تشمل 3 مدارس فقط دى!!
تركيا والصين وزعو بديل الآى باد من الصناعه المحلية او تدعيمه للطلبه مش بالاستخفاف ده !!
وبعدين الاول يكون فيه تعليم حقيقى!!

ومناهج محترمه!!

وفصول!!

ومعلم ياخذ ما يستحق!!

وطلبه لهم اماكن!!

ومكان للرياضه!!

واهتمام بالفهم والتوعيه ليس بالحفظ!!!

وتطوير مناهج لتكون على مستوى مقبول عن هذه المناهج المنتهيه صلاحياتها اصلا!!!

«ويكيليكس»: «الإخوان» اتصلوا رسمياً للمرة الأولى مع واشنطن بعد وفاة «التلمسانى»


أفادت وثيقة أمريكية جديدة بتاريخ 16 سبتمبر 1986 كتبها السفير الأمريكى بالقاهرة حينها، فرانك جى ويزنر، بأن السفارة اتخذت ثلاثة انطباعات قوية عن جماعة الإخوان المسلمين يوم 10 سبتمبر من العام نفسه، والانطباعات هى: أن القيادة الجديدة لجماعة الإخوان «حريصة على إقامة حوار مع سفارة الولايات المتحدة» وأن هذه الرغبة قد تكون «محاولة لإضافة شرعية للإخوان باعتبارها كياناً سياسياً»، والثانى أن الجماعة فى الوقت ذاته «قلقة للغاية» بشأن تجنب إحداث مشاكل مع وزارة الداخلية، أما الانطباع الثالث فهو أن المرشد الجديد حامد أبوالنصر يبدو دوره «صوريا»، وأن نائبه مصطفى مشهور هو الذى يمتلك «السلطة الحقيقية».


وقالت الوثيقة إن القيادة السابقة للإخوان كانت أقل اهتماماً بتجنب المشاكل مع الحكومة المصرية، موضحةً أن «عمر التلمسانى» لم يطلب موافقة مسبقة على مقابلة أى موظف من السفارة، على الأقل ليس من خلال المسؤولين فى السفارة، رغم اتصالاته المتكررة مع المسؤولين بها.

وأوضحت الوثيقة أن الاتصال الرسمى الأول مع القيادة الجديدة لجماعة الإخوان المسلمين الجديدة جاء بعد وفاة المرشد الأسبق عمر التلمسانى فى مايو 1986، بعد 4 شهور وبالتحديد يوم 10 سبتمبر من العام نفسه، مضيفةً أن اللقاء الرسمى كان فى مكتب «مجلة الدعوة» التابعة للإخوان فيما سبق.

وتابعت: «اللقاء كان قصيراً ولكنه كان ودياً ولم يكن مطولاً كما كان مخططاً له». وأفادت الوثيقة بأن نائب المرشد، مصطفى مشهور، تجاوب لطلب السفارة يوم 9 سبتمبر بدعوة المرشد الجديد وقتها محمد حامد أبوالنصر، لكنه طالبها بضمان عدم وجود مشكلات مع وزارة الداخلية.

وأصر مشهور وأبوالنصر مراراً على الحصول على إذن خطى كى يجتمع المرشد بالسفير، بجانب ترحيبهم بالاتصال المستمر مع السفارة، وأعربوا عن استعدادهم لتلبية طلب المقابلة فى لقاء مطول فى أسرع وقت ممكن، أو حتى فى وقت لاحق من نفس اليوم، أو خلال الأيام التالية، فى حال وجود إذن كتابى من وزارة الداخلية.

وأشارت الوثيقة إلى أن مندوبى الجماعة أكدوا أن الحكومة المصرية كانت تقدم موافقتها شفهياً للجماعة من أجل إجراء اتصالات مع السفارة البريطانية، لكنها تعتبر تلك الاتصالات بمثابة أنشطة «غير قانونية» ويمكن استغلالها ضد الجماعة.

فيما أعرب المسؤول الأمريكى الذى قابل مندوبى الجماعة عن احترامه الكامل للقانون المصرى وتفهمه لموقف الإخوان المسلمين فى مصر، معبراً عن أمله فى أن يتم حل القضية بسرعة مما يسمح بلقاء سريع بهدف تعزيز التفاهم المتبادل بين الجانبين.

وتابعت الوثيقة «مشهور وأبوالنصر كانا مرحبين بحرارة بالاتصالات مع السفارة، سواء كمسلمين أو كعرب»، وأشارت السفارة فى تعليقها على اللقاء بشكل عام إلى أن قيادة الجماعة تفتقر إلى الثقة بالنفس والتماسك، وهو ما قد يدفعها إلى توخى الحذر دائماً، وقالت الوثيقة إن «أبوالنصر» كان «ضعيفاً بدنياً وصورياً أكثر من كونه شخصاً مهماً فى الاجتماع»، وأن «مشهور» كان «أكثر من مجرد شكل» وأنه بدا «محترما» وكان يسيطر على الحوار بشكل واضح وبصوت ثابت وبتواصل بصرى عال.

كانت تعليقات موظفى المكتب حول أسفهم لخسارة التلمسانى تبدو وكأنها تهدف إلى نقل تصور عام عن عدم كفاءة أبوالنصر لخلافته.

وأشارت السفارة إلى أنها لا تنوى التدخل بين القيادة الهشة للإخوان والحكومة المصرية، موضحةً أن القيادة التالية للتلمسانى تحاول استخدام الولايات المتحدة لاختبار ما إذا كانت مستعدة لإضفاء الشرعية على جماعة الإخوان.

.. المصدر (المصرى اليوم) بتاريخ 03/09/2011

على صفحتنا

احنا شعب متدين بطبعه


اتضح ان الناس اللى كانت بتطلب “عيش .. حرية .. عداله اجتماعية” من يوم 25 يناير .. اللى كان منهم ليبراليين وعلمانيين بردو كان قصدهم انهم عيزينها اسلاميه بس هما اللى مش وخدين بالهم!! لان احنا شعب متدين بطبعه

وبالتالى حصل تعديل بسيط على شعارات 25 يناير ليتحول الى 

” العيش .. للحرية والعدالة .. الاخوانية “

ikhwan

وكالمعتاد الناس هتبتدى تقول ان كده انا ضد “الاسلام” .. لكن هو مين قال ان قبل كده مثلا كنا كفار!! وبعدين مين قال ان الاسلام بتعاليمه حكر على فصيل او اخر!!!؟

بالفعل كنت اتمنى ان ارى الشعب – المتدين بطبعه – عايشين بمبادئ الدين السليمه اسلاميا او مسيحيا ايضا وكنت انتظر من الاخوان ان يشاركو فى الحياه السياسية طبعا ولكن ليست كحكر عليهم وعلى من يوافقون عليه وكنت اتمنى ان يطبقوا شعارهم “واعدوا” ويكون فيه اعداد حقيقى ببذرة فكر البنا من حيث ان يكون الشاب صالح الخلق والجسد والفكر ايضا وان يعدوا المجتمع كجزء منه بنشر فكر متدين متطور وسطى كما اعتادو ذكر هذه الجوانب وليس فقط فكر للسيطره السياسية .. وايضا تمنيت من السلفيين الذى كان مشكلتهم كما يقولوا ان النظام السابق كان يمنعهم من الدعوه فى سبيل الله ويمنع بعض المشايخ من الخطب مثلا فكنت اتمنى ان يقوموا بما منعوا منه من الدعوه اكثر من اهتمامهم من الدخول فى السياسة ومحاولة اظهار القوى والمنافسه بكل قوة فى هذا المجال فقط .. حتى تغير الفكر الدينى للمصلحه السياسية من الافتائات المناسبة سياسيا والتكفير للمعارضه وما الى غيره .. مع العلم ان احنا شعب متدين بطبعه

ikhwan and salaf

واحنا طبعا كشعب متدين بطبعه .. بعيد عن كم الحوادث الغريبة اللى عندنا من سرقة وقتل وتحرش ودعارة ومخدرات والخمور اللى موجوده عندنا !! .. وايماننا الشديد  بيبان اوى لو شفنا حد بيضرب طفل مثلا فى الشارع لازم نقولة “حرام عليك” مش بنقوله حتى ده غلط !!! ودى اكثر ظاهرة دينية عندنا

واحنا طبعا شعب متدين بطبعه .. مع ان التحرش عندنا من كبار وصغار وحتى ستات كمان بيتحرشو!! والتحرش دلوقتى ظاهرة عادية جدا طبعا وكمان بالذات فى المناسبات والاعياد كنوع من انواع الاحتفالات عندنا والتحرش للجميع حتى كمان للمحجبات اكثر!! غير طبعا كدولة متدينه وسياحية فاكثر نسبة تحرش لو اى سائحه فكرت انها تنزل تتمشى فى شوارع مصر الامان  ممكن ميفضلش فى جسمها حته غير لما تكون اتلمست طبعا .. مع العلم ان اغلب الاجانب فى مصر – والقاهرة بالاخص – بيكون عندهم تعليمات ان احنا دولة “متدينه بطبعها” فلما بينزلو الشارع بيكونو دائما لبسين لبس  واسع ومش شفافا الا قليل منهم .. وفيه عندنا مراحل غير التحرش كمان .. فيه كمان اغتصابات كتير- اكتر من تخيلنا فعلا – فلما نلاقى جمعية خيرية تعمل فرع للامهات الصغيرات ” المغتصبات”  ونلاقى الشعب المتدين بطبيعته يتدايق من فكرة مساعدتهم دول بالذات وساعات يشترط ان المساعدات متكنش للفرع ده بالذات

احنا عندنا حوالى 14 الف طفل بيتولد كل سنه من علاقة غير شرعية !!! ودول اللى اغلبهم بنشوفهم كاطفال شوارع وبنقرف ساعات منهم !! احنا كشعب متدين بطبيعته عندنا مليون ونص الى 2 مليون طفل شوارع .. وعندنا 1 من كل 5 طلاب فى الجامعة متزوج سرا “عرفيا” .. طبعا ده غير البنات اللى بتبيع نفسها حتى لو ب20 جنية ولا باى حاجه علشان تاكل 

واحنا طبعا كشعب متدين بطبعه .. بردو تلاقى حوادث قليله زى قتل ابن لامه او قتل ابن لابيه او حتى العكس والاجدد ظهور حوادث اغتصاب داخل الاسر او زنا محارم ايضا 

واحنا طبعا كشعب متدين بطبعه .. مع وجود الخمرة من زمان لكن تشوف مظاهر التدين فى ان البارات مقفولة فى مولد النبى وليلة راس السنه الهجرية .. واللى طبعا المناسبتين دول السلفيين اصلا ضد الاحتفال بيهم باى شكل .. لكن المشكلة الاكبر والاخطر والاكثر انتشارا هى كم الحشيش والمخدرات المنتشر بشكل غير مفهوم بين كل فئات الشعب من اعلى مستوى اى ادنى مستوى اجتماعى ايضا .. وبالنسبة للبرشام اللى دمر اغلب شباب المناطق العشوائية على جميع الاعمار .. لكن اكثر حاجه بتجننى كمان هى حرمانية الخمور فقط عند البعض – وهم كثيرون – ولكن المخدرات كنباتات فهى مش حرام اوى والالطف الشيوخ الحشاشين او الافيونجية!! على اعتبار انه نبات منبة منشط .. وده فكر موجود من مجاهدين افغانستان لغاية المقري اللى فى مدافن البساتين

الغريب بردو عندنا كشعب متدين بطبيعته .. تلاقى فى رمضان بس كم حملات الدعاية للجمعيات الخيرية اللى بتحاول تعمل دور فى البلد .. ولو رحت تزورها هتلاقى كمية معقولة تفاعلت مع الاعلان ولكن بعد رمضان لغاية السنه اللى بعديها محدش بيروح غير يدوبك كام واحد ويفض الطفل اللى عنده سرطان ولا اللى عنده مشكلة فى القلب ولا الاعمى ولا القرى الفقيرة كلة منتظر رمضان اللى بعده علشان الشعب المتدين بطبعه يفتكره مره تانية .. غير كمية الناس اللى بتتفرج على الاعلانات دى وتقرف او كمان تشكك فى الجمعيات دى وتقول انهم نصابين طبعا .. وفيه اللى بيتعاطف مع الموضوع ويبقى نفسه يروح لكن يفضل لغاية مايشوف الاعلان فى رمضان اللى بعده ويقول ده انا نفسى اروح فعلا السه دىوبردو مايروحش .. وفيه ناس كتير بتعتاد الفرجه فقلبها يجمد ويفقد حتى التعاطف 

وبردو علشان احنا شعب متدين بطبعه .. فكان فى البرلمان زمان مجموعه اخوانية لما كانوا محظورين وكان فيهم نائب اسمه مرسى العياط – اللى ربنا كرمه بعد كده وخد مصر- وهالنائب ده هاجم الحكومة علشان مره بتتكلم عن القروض وقال ان ده طبعا ربا .. وياما كنا نشوف اسئله فى كل القنوات الاسلامية بتسئل عن القروض والفوائد والشيوخ كانت دائما تقول ان ده ربا طبعا .. وفيه منهم بس اللى كان يحللها للناس لعدم وجود البديل بس وياما قالو الشيوخ السلفيين لاتباعهم على ان اللى بيحصل لمصر ده كله من امال الربا والقروض .. الغريب ان نفس الاشخاص المتدينين بطبعهم دول اللى بيحللوا الربا والقروض لما بيحكموها الفكر الاسلامى واللى عايزينها تبقى اسلامية دلوقتى .. على اعتبار انها كانت بوزيه قبل كده!! مع قله دلوقتى لسه فيهم الخير وعلى نفس مبدائهم 

واحنا كشعب متدين بطبعه .. طبعا الظواهر دى لما تناقشها مع اى حد من المتدينين بطبعهم يقولك من ده كله من فساد النظام السابق وفساد الاعلام والافلام والانفتاح الزائد!! على اعتبار ان احنا فعلا دولة منفتحه فكريا او ثقافيا !! مع العلم ان زمن الفن الجميل كما يسمى – مع اعتراضى على هذا المسمى طبعا – اعتقد ان هو ده الزمن اللى كان فيه نسبة الرقاصات اللى فى الافلام اكثر بكثير ومع جرئة اكثر فى الفن ومع الاستعراضات ووجود فنانات اغراء وايضا كانت الموضه اصلا المينى والميكروجيب فى الشوارع وقله الحجاب وانعدام النقاب وندرة الذقون!!؟ 

wake up

فى كل الاحوال انا كموحد بالله غصب عن اللى يعترضو على كلامى ويحولوه من نقض سياسى لتكفير .. لا يشرفنى تيار الدين السياسى بادائة حتى الان .. من نوعية النواب المتحرشين والمتجملين والنصابين ومن نوعية حرامية الاثار والسولار وتجار السلاح ومن نوع الممولين اللى ليهم انتمائات وولاء لجهات اخرى غير وطنى ودينى .. ومن نوع اللى مش عارفين امهم جنسيتها ايه اصلا مثلا ومن انواع تجار الدين وتجهيز فتاوى مخصوصه وتغيير اراء وفتاوى ايضا لمصلحة الكرسى واتباع الكرسى فقط ومحللين الربا 

وفعلا الغريب ان احنا وصلنا لدرجة ان العلمانيين بيحاولو يقنعو الاسلاميين ان الاقتراض من صندوق النقد الدولى مثلا بالفوائد دى حرام والاسلاميين السياسيين واتباعهم من القطيع المطيع هما اللى مش مقتنعيين

ibn elayat

ونموزج كمان من ان احنا شعب متدين بطبيعته والرمز احمد مرسى العياط !! .. وياريت يا جماعه حد يقول للشب احمد ابن العياط يخلية فى حاله وميدخلش نفسه فى لجنة الدفاع عن السياسة الرشيده لمكتب الارشاد اللى ابوه بيخدمهم لغاية النهارده ويفهم ان التبرير المستمر معناه محاوله لتجميل الكوارث والافعال المتخلفه الصادرة منه ومن اللى مشغل ابوه وعشيرته .. وياريت بردو مش كل شوية يحسبن على الناس ويخوفهم بالادعية والايات ومحاولة تقديس ابوه بحزبة وهو اصلا لما اتبعتله لينك على فيديو خليع راح دايس عليه علشان يتفرج على طول .. وبردو بعديها لما اتقاله ان ايه ده راح طالع بكلام دين لنفى الحدث اصلا والحسبنه على الناس ادعاء الظلم والكلام ده .. اما انك تلعب بالشكل الدينى او تلعب بالشكل السياسى او حتى الفكرى بس ياريت مندخلش كل حاجه فى بعض 

يا ناس حرام تظلموا الاديان بافعالكم دى يا احقر سفراء لدينكم ووطنكم يا شوية دقون عيره 

واشنطن ترى في مصر حليفاً عنيداً ومتمرداً


وفقاً لـ”ويكيليكس” واشنطن ترى في مصر حليفاً “عنيداً ومتمرداً”
مبارك يعتبر الإخوان وحماس وإيران “محور شر” يهدد استقرار مصر

خبر قديم من تسريبات ويكيليكس بتاريخ 01 ديسمبر 2010


رغم المعروف عن طبيعة العلاقة القوية والتحالف الوثيق بين الولايات المتحدة ومصر، وهي العلاقة التي تنامت وتعززت نتيجة لتوقيع مصر لاتفاق سلام مع إسرائيل عام 1979، إلا أن تلك العلاقة لا تخلو – في ما يبدو – من تعارض وتضارب، وصفته دوائر رسمية أمريكية بـ”تصلّب” وعناد من جانب المصريين.

بعض ملامح ذلك التعارض يظهر للسطح كثيراً في الآونة الأخيرة، خاصة في ما يتعلق بالموقف الأمريكي من قضايا حقوق الإنسان والتحول الديمقراطي في مصر، وهو الملف الشائك الذي بلغ ذروته أثناء حكم الرئيس الأمريكي السابق جورج بوش، وعاد بشكل أقل حدة مع الانتخابات المصرية الأخيرة التي أبدت واشنطن تحفظات عليها.

علاقة شدّ وجذب
لكن ذلك التجاذب المصري – الأمريكي ليس منصباً على الشأن الداخلي فقط، بل يسري أيضاً على كثير من القضايا الإقليمية التي تتعارض فيها الرؤى بين البلدين.

وألقت وثائق كشف عنها موقع “ويكيليكس” أخيراً، الضوء على بعض جوانب علاقة الشد والجذب بين القاهرة وواشنطن. ورؤية الرئيس المصري حسني مبارك للعديد من قضايا وشؤون المنطقة.

وفي وثيقة كتبتها مارغريت سكوبي، السفيرة الأمريكية لدى القاهرة، في فبراير/شباط 2009، موجهة لوزيرة الخارجية الأمريكية هيلاري كلينتون، قبيل أول زيارة رسمية لها للقاهرة بصفتها الوزارية، تلخص السفيرة نقاطاً مهمة في طبيعة العلاقات المصرية الأمريكية، وتكشف رؤية الرئيس المصري حسني مبارك للعديد من قضايا المنطقة.

وطبقاً للوثيقة التي نشرت مقتطفات منها صحيفة “يديعوت أحرونوت” على موقعها الإلكتروني، بدأت السفيرة بمقدمة عن وزير الخارجية المصري أحمد أبوالغيط الذي وصفته بالشخص اللطيف والذكي ولديه ميل للتنظير “الخطابة” واستعداد للدفاع بكل السبل عن كل الإخفاقات المصرية في سبيل إعلاء السيادة المصرية.

وتعقب سكوبي على ذلك بقولها: “إن المصريين يرون أحياناً أن واشنطن تتجاهل نصائحهم وتحاول فرض وجهة نظرها عليهم”.
حليف عنيد
وتخلص السفيرة السابقة إلى انه “على الرغم من أن المصريين سيكون رد فعلهم جيداً في حالة إظهار الاحترام والتقدير لهم، فإن مصر كثيراً ما تكون حليفاً عنيداً ومتمرداً”.

وبناء على تلك الخلفية تنصح سكوبي كلينتون بأن “تشكر أبوالغيط على مواصلة بلاده دورها القيادي في المنطقة، وتحثه على مواصلة جهودها للتوصل لاتفاق لوقف إطلاق النار في غزة، ودورها في محاولة لمّ شمل الفصائل الفلسطينية وتحقيق المصالحة بينها”.

ولم تنس السفيرة أن تنصح كلينتون بمطالبة المصريين بالقيام بدور أكثر فعالية لضمان عدم إعادة تسليح حركة حماس عن طريق تهريب السلاح عبر أنفاق غزة.

وتؤكد سكوبي أنه على الرغم من عدم الحماس الذي يبديه المصريون أحياناً لبعض نتائج المباحثات الفلسطينية الإسرائيلية، فإن العمل للتوصل لاتفاق سلام نهائي بين الطرفين يظل هدفاً استراتيجياً رئيساً للمصريين.

وفي تلك الجزئية تقول سكوبي: “المصريون فخورون بدورهم في الوساطة بين الفلسطينيين والإسرائيلين، ويدركون بشكل جيد أنهم ربما يكونون اللاعب الوحيد القادر على الحديث معنا ومع الإسرائيليين وكل الفصائل الفلسطينية”.
رفض الحصار
ثم تكشف سكوبي ربما عن الجزء الأهم في تقييمها عندما تعرضت لموقف الرئيس المصري الثابت والرئيس من عدد من قضايا المنطقة وشؤونها، ومنها حماس وإيران وسوريا.

فبالنسبة لحماس، وعلى عهدة السفيرة الأمريكية، يرى مبارك أن حماس تمثل خطراً مثلها مثل الإخوان المسلمين التي يعتقد أنها أكبر تهديد سياسي داخلي له.

وأضافت السفيرة “ترى مصر أن حماس قوية ومسلحة تمثل تهديداً لأمنها القومي، مستشهدة بواقعة تفجير الفلسطينيين للجدار الحدودي بين سيناء وقطاع غزة في يونيو/حزيران 2007 وتدفق أكثر من نصف مليون فلسطيني لمصر.

وعلى عكس ما حاول البعض ترويجه عن طبيعة دور المصريين وموقفهم من حصار إسرائيل لغزة تؤكد سكوبي أن “مصر لن تقوم بأي عمل يمكن أن يفسّر على أنه تواطؤ مع إسرائيل لحصار غزة.

وتجدر الإشارة هنا إلى أن وثائق أخرى كشفها موقع ويكيليكس، أوضحت أن مصر وحركة فتح رفضتا طلباً من إسرائيل بتأييد هجومها على قطاع غزة في أواخر عام 2008.
كُره عميق لإيران
وتصل سكوبي للأخطر في رسالتها، ونقصد إيران وطبيعة الرؤية المصرية لها ولدورها في المنطقة.

وتنقل سكوبي أن مبارك قال للسيناتور جورج ميتشيل خلال لقاء جمعهما في القاهرة “أنه (مبارك) لا يعارض مباحثاتنا مع الإيرانيين طالما أنكم لن تصدقوا كلمة مما يقوله الإيرانيون”.

وتقول سكوبي: “مبارك لديه كُره عميق للجمهورية الإيرانية الإسلامية، ويشير دائماً للإيرانيين على أنهم كاذبون ويسعون لزعزعة استقرار مصر والمنطقة، وأن السوريين والقطرين متملقون لإيران، وأنهم يخادعون أنفسهم”.

وتضيف “لا يوجد أدنى شك أن مصر ترى في إيران التهديد الأخطر لها على المدى البعيد”.

كما تطرقت السفيرة لتذكير مبارك الدائم بتحذيره للمسؤولين الأمريكيين من غزو العراق ولكنهم لم يستمعوا لنصائحه.

الخبر الاصلى من العربية

على صفحتنا

دولة الجماعة


الحرب الحقيقية ستبداء قريبا جدا فى الاعاده لانتخابات الرئاسة وبعدها ..
سيكون القتال شرس من الجماعة ..
شهوة الاخوان فى السلطه شهوة شرسه ..

سيلعبون بكل الوسائل القذرة المعتاده منهم ..
ولابد ان نتذكر ان الاخوانى وطنة الاول هو الجماعه ..
تماما مثل الشيعه فوطن الشيعى الاول هو ايران ..
والاثنين يتعاملون بمبداء التقيه .. وهو الكذب للوصول للغاية

دولة الجماعة (المرشد) ..
ربما كان مجلس شوري الجماعة مجتمع الان لوضع استراتيجية والاعداد لحكم مصر من داخل اسوار الجماعة

الاعداد لرئيس قادم ..
لم ينتخبة المصريين ..
رئيس يحكم ولا يظهر ..
واخر يظهر ولا يحكم

الثورة مستمرة!!؟ .. ثورة!! وكمان مستمرة!!؟


الثورة مستمرة !!!!
ثورة !!!!!!؟؟؟؟؟؟؟؟ وكمان مستمرة!!!!!!!!!!!!؟

اعتقد ان النتايج اللى شيفينها لغاية دلوقتى دى فى فرز التصويت للانتخابات الرئاسية بتثبت ان اصلا مكنش فيه حاجه اسمها ثورة اصلا حصلت!!!

المنافسه مابين “مرسى” الاستبن اللى نازل ببرنامج صاحبة واللى لما يمسك المرشد هيحكم بالتدليس والتلون واللعب على الغلابة باكياس الاكل المعتاده قبل كل موسم شراء اصوات واللى هو من حزب لو فيه حد بيقول ان “العصابه” القديمه كلها مناسبة بعضيها فدول كلهم متجوزين اخوات بعض غير الفلوس والعلاقات المشبوه الكتير اللى محدش عارف مصدرها وطبعا عداء الاخوان الكبير لامريكا اللى هو اصلا ولاده متجنسين امريكانى !!! ولو قولنا الاخوان فهنتكلم كتير اوى على تاريخ زباله من بعد الامام الشهيد البنا .. وبعدين لو الملك اتهضدهم وناصر والسادات ومبارك .. يبقى اكيد كلهم هما اللى وحشين وهما مظلومن على طول الخط!!!

والمنافس معاه “شفيق” اللى بيحسب على الفلول طبعا واللى كل شوية حد بردو يقول “بلاغ” عليه فى اى حاجه بس الهييصه بيظيطو ويحولو “البلاغ” لاتهام اصلا قبل مايسمعو الرد او يفكرو فى الكلام بجد وحتى لو اترد عليه اصلا فاحنا عندنا مشكلة ودان فى شعبنا طبعا غير خلايا المخ اللى راح منها كتير كمان !! وبعدين مفيش اى حد بيحاول يفكر فى مصطلح فلول ده اصلا وايه معناه !! بس هى كلها بغبغانات صحيح!!

والمنافس الثالث “2 حمد الصبح” اللى هو واحد منهم بالمياه الغازية والعربيه الهمر اللى لف بيها فى لفت الدعاية.. ولو واحد مننا فعلا صرف الدعاية الانتخابية من اين !! هو فيه واحد مننا معاه فلوس!!!!!؟؟ وده اكتشفوا انه ثوري فى اخر 10 ايام علشان ابو الفتوح اللى مش اخوانى وهو عنده جوه اتكشف شوية للبيحاول يفكر!! .. والاخ 2 حمد اصلا هو فعلا ثورى جدا .. لكن على قديمه .. ده بيتكلم فى ثورة 52 اصلا .. الناصرى اللى مع فكرة لا للعسكر!!! ده طبعا على اعتبار ان ناصر كان دكتور سنان يا جماعه!! وهو بردو واخد من ناصر خطبة الرنانه بس فى زمن انتها فيه الكلام ده .. غير عشقه طبعا لصدام وشيكاته والقذافى وشيكاته وعائله الاسد لو بتدفع فلوس علشان حتى الجرنال اللى كان بيتطبع منه كام نسخه ده ومحدش بيشوفه اصلا يفضل شغال!! واما بالنسبة للشيعه فملناش دعوه!! .. وبالنسبة لبنته اللى بتشتغل عند ابو العنين ؟؟ هو مش ده فلول !!!!

اما الرابع فده عم “ابو الفتوح” اللى هو مش اخوانى بس هو عنده جوه اللى هو مش معترف باسرائيل لكن لو فى تسجيل لقناه انجليزى بس يبقى ماشى!! وهو طبعا ياجماعه ابو البطاطين الليبرالى بتاييد الجماعه الاسلامية!!!! اللى بيهين السادات اللى مفيش كلب فى اسرائيل مش حاسس انه ده الوحيد اللى علم على قفاهم !! اللى اغلب الناس اللى بتاييده معاه علشان طيب ؟؟؟ وكانه مش اخوانى؟؟!!!! وهو متعود حوالى 40 سنه على نظام فيه قدسية المرشد والسمع والطاعه والميكافيليه بس بدقن وخفيفة مش طويله اوى!!!

ومننساش “موسى” الشهير بعبده مشتاق .. اللى مش عارفين هو عايز ايه او مع مين او ضد ايه اصلا!! يعنى انت مش فلول وانا المفروض اصدق!! انا مش انا يا دكتور!!

…….
اما عن “احداث يناير” وقربها من المرشحين .. فمفيش اى حد ليه دعوه وعلى ما اتذكر ان الناس مكنش مطلبها الدوله “الاسلامية” مثلا كمطلب شعبي!! ده كان الوتيره اللى ماشية شيوعيه او الاشتراكيه اللى خلصوا من الدنيا اصلا ملهاش فى الاسلاميات خالص فى اول كام شهر مع وجود الاخوان المتاسلمين على الارض فى المجاميع فى الاول اه .. لكن ده كان كل واحد عايز حاجه غير التانى .. وبعدين بردو حتى الحكم الاسلامى لما يكون عندنا اسلاميين نشوف فيهم اخلاق الاسلام مش نصابين بدقون -الا من رحم ربى- .. وحقيقى لو هنتكلم عن مرشح تابع لفكر “احداث يناير” فنقول خالد على -وده مش المغنى الفاشل- لكن حتى ده يعينى ممكن ياخد فى الاخر حوالى 100 الف صوت بس

وبعدين السؤال المهم جدا علشان رجاله “النظام القديم” الوحش اللى لازم كلهم يعدموا اصلا والجو ده .. طيب هو ايه “النظام الجديد”؟؟؟؟؟؟ ومين رجالته؟؟؟ وايه ابعاده وافكاره ورموزه!!! بعيد عن رموز “احداث يناير” بداية من تاجر المخدرات او البت اللى قلعت ملط او طقم الملحدين وشوية الكذابين على محبين الشهره على المهمشين وشوية فنانين كذابين سكرانين على المتاجرين باى حاجه واللسته كبيره اوييييي ..

من انتم صحيح!!!!!!!!!؟؟؟؟؟؟؟؟؟؟؟؟؟؟؟؟؟؟؟؟؟؟؟

طبعا اى حد يتهمنى من جو البغبغانات بكلمة فلول لازم يقولى هو ايه نوعه وايه عكس فلول اللى انا المفروض اكون زايه فيها ؟؟

Post Navigation