ElKnaba Party

Just another WordPress.com site

Archive for the tag “الجيش المصرى”

نتحد او نموت جميعا


مصر تتجه ناحية الطائفية والارهاب ومايحدث فى سيناء مجرد بداية وبكرة هيحصل فى العتبة والتحرير والعباسية والمنشية ومحطة الرمل…

الى فاكر ان عبود وطارق الزمر وعاصم عبد الماجد و أبو العلا عبد ربه هم النهاية لظهور القتلة ليتفاخروا بجرائمهم!!! .. لا انت غلطان!!!

والى فاكر ان القتلة الى بيظهروا هما بس الى قتلوا عساكر ومجندين وسياسيين وكمان مفكرين وادباء!!! .. بردو انت غلطان!!!

استمرار الارهابيين والقتلة والمجرمين فى الظهور علنا والفخر بقتل ضحاياهم .. هل تعلم ان ابناء الضحايا الى الان احياء ويرون باعينهم التفاخر بقتل اباؤهم!!!

والسبب فى كل اللى احنا فيه دا كل الخونه والنخبة الجاهلة واغبياء العسكر و كلاب وقطيع الاخوان والثوار بغبائهم والاندفاع فى حروب وهمية بعد تقسيم المجتمع الى فلول ونخبة وثوار وعبيد وغير ذلك من التقسيم المتخلف لابعاد الكل وافساح المجال لاوسخ فصائل المجتمع لتنقض عليه وطبعا عاصرى الليمون .

للاسف الاسوء قادم لعدم الالتفات للمصلحه العامه حتى الان ومصلحة الوطن ومستقبلنا جميعا!!!

فيوجد منا من ينغمس فى المشاكل الفرعية والحلول الرجعيه والتشفي فى الاخطاء واصطيادها لبعضنا البعض فقط .. وكارثه العمل للمصلحه الشخصية او لمصلحه حزب اوجماعه وايدولوجيا بعينها فيحارب الجميع فقط لهذه المصلحه وعدم تقبل الاخر والصعود على المخالفين فقط للمصلحه الشخصية .. وعدم تقبل النقد وهذه مشكلة ثقافه فحينما اكون معارض لفكر ليس بالتالى يجب ان تنظر لى كعميل كافر رجعى وتضعنى فى خانه العدو وليس فى خانه الماعارض لفكرك فقط!!

فلول, ثوار, عبيد, اسلاميين, ليبراليين, اقباط, علمانيين, عسكر ونخبة …. اما ان نتحد او نموت جميعا من غبائنا!!!

 

فى صفحتنا 

يسقط يسقط حكم ال….؟


المجلس هيهرب مبارك
المجلس مش هيسجن الوزراء
المجلس لا يمكن يحبس مبارك
المجلس مش هيحاكم مبارك
المشير مش هيشهد فى القضيه
المجلس مش هيعمل انتخابات مجلس الشعب
المجلس مش هيعمل انتخابات الشورى
المشير نزل ببدله فى الشارع .. قاصدو انه ينزل الانتخابات
المجلس مش هيمضى قانون العزل
المجلس مش هيعمل انتخابات الرئاسة
المجلس هيزور الانتخابات
المجلس مش هيسلم السلطه

طبعا غير كمان ان المجلس وفر فلوس مرتبات فى اشهر كان كل 5 بيعملوا اضراب اصلا ويقطعوا طريق وبس ومحدش بيشتغل!! ووفر اكل وشرب واتوبيسات واتكلم مع كل الفصائل السياسية لمصلحة الوطن

وغير ان الجيش فى كل اسبوع بيمسك شوية سلاح من اللى بيخش البلد .. والسؤال مين اللى عنده الفلوس اللى يجيب بيها انواع الاسلحه دى وهيستخدمها فى ايه اصلا!!!

والعساكر طبعا حاجه والمجلس حاجه تانية .. بس اللى بيتشتم واللى بيترمى عليه من طوب وملوتوف وغيره ده العسكرى اصلا .. مع العلم ان المجلس اثبت انكم كاذبون يا شوية غجر !!!!!!

فعلا يسقط يسقط حكم المرشد!

Post Navigation