ElKnaba Party

Just another WordPress.com site

Archive for the category “Anonymous V”

نعم الله عليكم


واعتقد انه بعد حشد الاسلاميين بفكرة الجنة والنار وبالزيت والسكر ومايحدث فى بعض اللجان من منع المسيحين, والتصويت الجماعي, وتوجيه الناخبين, وغياب القضاة .. وغيره من التجاوزات والمنهجية فى التزوير بعد مرحلة اولى فاشله ايضا فى هذا “العرص” الديمقراطى والتزوير الكبير الذى يتخلله استفتاء بما لايخالف شرع الله

فاعتقد ان النتيجة سوف تكون اكثر من 65% نعم او اكثر حتى لايقول احد انها ليس اغلبيه ايضا .. وانا من “القله القليله” المتهمه بكل الاتهامات المتاحه الان من انصاف العاقلين او مدعين الدين  باتهامهم لنوعى بالكفر او معاداة الدين واننا ضد الشريعه “الاسلامية” زى ما هما متخيلين او زى ما هما فهمين “الشرع” اصلا ..  وده كمان بعد نجاح مرسى واتباعه فى تقسيم البلد الى نوعين .. اما انصارالتيارات السياسة الدينية واما الى مصريين !!؟؟

me

 واحب اقول مبروك عليكم وعلى اولادكم الدستور!!!  ومبروك لكل واحد من اللى عامل فيها انه فاهم او اللى عامل فيها انه بكده بينصر الدين او متخيل ان فيه استقرار بعد كده وقال نعم لهذا الدستورالعره .. ومليون مبروك للقطيع .. وعقبال ما اشوفكم انتم واهلكم وولادكم وولاد ولادكم متبهدلين ومتهانين بالقوانين اللى هتطلع بسبب هذا الدستور المشوه العره او بسبب ممارسات الحكومات والاوسخ ان مش بس الحكومات فاحنا هنلاقى مجاميع كمان بتمارس تدخل فى شئون المواطنين “حماية للطابع المصرى”!! وكمان نفسى اتفرج على القطيع لما يطلب منهم شهادة الفقر وقله القيمة علشان التامين الصحى يغطى علاجهم مثلا !!.. وطبعا غير مرتباتهم اللى ملهاش دعوه بالاسعار لانها مربوطه بالانتاج مثلا!! وبردو هنسمع عن ناس هتقبض بالملايين عادى جدا!! واحب اتفرج على القطيع لما يلاقى ان الدستور ده ملوش اى دعوة بفكرة تطبيق الشريعه الاسلامية اصلا!! وان الاخوان ملهومش فى الاسلام اصلا ولا جايين يطبقوه زى مابيتاجرو بالكلام ده!! واحب اشوف القطيع لما يلاقى رئيس الجمهورية بيحاسب نفسة بعد تعينة لرؤساء الاجهزة الرقابية مثلا ويكون راضى بادائهم مع بعض بالحب طبعا!! واتمنا اتفرج على اى جريده او صحفى من المساندين لما يتحبس عادى او الجريده تتقفل اصلا وسلملى على حرية التعبير

وانا كنت بدعو الناس لعدم المقاطعه والنزول للاستفتاء الكرتونى دى مش لايمانى ان فعلا فى امل فى الديمقراطية بالشكل الموجود عندنا مع كم الجهل والغباء والمتاجرة بعديمى الوعى والمتاجرة باسم الدين وكل ده لكن انا كنت مؤمن ان لازم ننزل علشان اكيد اللى بيزور هيعرف هو كذب اد ايهومحتاج يزور كمية عامله ازاى علشان يقول ان الاستفتاء مظبوط وان الاغلبيه معاه كمان!! يمكن من جواه يعرف ان فعلا الناس مش كلها قطيع معاه

the end

من المقولات اللى بتعجبنى اوى مقولة برنارد شو ” ان من عيوب الديمقراطية انها تجبرك على الاستماع الى راى الحمقى” والكلام ده اعتقد انه قاله من اكثر من 70 سنة وايضا مقولة اخرى احترمها جدا: فكر ولا تكن كالقطيع .. فالكثرة ليست دليلا على صحة المنهج .. وكمان مبداء مهم جدا: ان الحرام يبقى حراما حتى لو كان الجميع فاعله

وياريت محدش من القطيع يستغرب لما مايلقيش ان فيه تطبيق شريعه ولا فيه احساس بالفقير ولا استقرار ولا تنمية ولا عدالة اجتماعية ولا حرية .. وبردو ميستغربش ان بعض حقوقه هتتاخد منه بعد موافقته على هذا الدستور!! وان مفيش اى تغير حصل غير للاسوء !! ولا عزاء لعاصري الليمون .. والمجد للبرسيم يا بهائم

واحب بردو افتكر وافكركم ان فى شوية موجودين دلوقتى معانا هما جزء كبير من اللى احنا فيه!! مش قصدى بس على اللى عصرو الليمون او اللى سافرو العين السخنة فى الانتخابات الرئاسية مثلا!! لا انا بتكلم هنا على النخبة!!! من نوع علاء الاسوانى وابو الفتوح وحمدى قنديل ووائل غنيم ومعتز عبد الفتاح وشوية الاعلاميين امثال محمود سعد وغيرهم كثيرا اللى دلوقتى بيعتذرو بعد فوات الاوان .. وبالاخص شوية الاعلاميين اللى بيطبلو للاخوان ولسه شوية منهم دلوقتى هيبتدو يربو دقنهم كمان .. وانا بحملهم مسؤولية حاجات كتيره اوى حصلت فى الفترة القليله دى ولسه هيحصل الاسوء فى الفتره القادمة .. واحب افتكر كمان شب من اللى اضحك عليه من نخبة العار دى .. جابر .. “جيكا.. كل نطع من نخبتنا الجاهله المرتزقه دى هما سبب قتله علشان فهموه وفهمو شباب كثير ان الاخوان المجرمون دول فصيل وطنى وان مرسي العياط ده مرشح ثورة !!! ولازم نكون عارفين ان نخبة العار دى مش “كلها” متخلفه مثلا ومش عارفه ان ده هيحصل وان الاسوء قادم لكن فيهم كمان اللى فاهم كويس جدا هو بيعمل ايه .. يعنى متقولوش انهم اتضحك عليهم من الاخوان المجرمون مثلا ..  يعنى مثلا هل ابو الفتوح “الاخوانى” ميعرفش الاخوان مثلا؟؟ وهل علاء الاسوانى وحمدى قنديل ومحمود سعد مثلا ميعرفوش تاريخ الاخوان حتى من الكتب مثلا !!؟؟ وغيرهم وغيرهم .. لو فعلا انتم مش فاهمين او حتى استغربتم منهم فاعتقد بلاش التنظير وتمثيل دور النخبة الواعيه التى تقود الناس وتوعيهم وانت جهله !! واعتقد ان تكونوا جهله احسن من ان تكونو عملاء او خونه .. مع العلم ان اغلبهم سيتم تكفيره ومن الممكن فى مرحله قادمة سيتم التخلص منهم ان لم يرجعوا عن المعارضه .. واحب انوه عن معلومه صغيره .. فى ايران بعد الثورة التى قلبت الى الثورة الاسلامية تم اعدام 120 الف شخص .. والسلام ختام

صفحتنا

…………………..

وطبعا كل ده ياكد نظرية الاحا!! وايضا كان لنا استفسار لاخونا العياط منذ فترة بعد ابداء تخوفاتنا من دولة الجماعه ومن تاريخها  الذى سرب عن طريق اخبار كثيره للمهتم بالبحث فى ويكيليكس مثلا وحتى فى النيويورك تايمز .. وكل ما نخاف منه فى الاسرة الاولى من دولة الاخوان ان لاتكون عادلة .. فنحن لا نريد الكثير حتى وان يكونوا حكاما كفارا يحكمون بلدنا ولكن لانريد الجوع والخوف والجهل .. فنحن شعب متدين بطبعه – كما يقولو!!!؟- ولن نتغير بسهولة ودائما نتحايل حتى على الاحتجاج .. اتمنى ان نتحد جميعا حتى لا نندم

 
Advertisements

نتحد او نموت جميعا


مصر تتجه ناحية الطائفية والارهاب ومايحدث فى سيناء مجرد بداية وبكرة هيحصل فى العتبة والتحرير والعباسية والمنشية ومحطة الرمل…

الى فاكر ان عبود وطارق الزمر وعاصم عبد الماجد و أبو العلا عبد ربه هم النهاية لظهور القتلة ليتفاخروا بجرائمهم!!! .. لا انت غلطان!!!

والى فاكر ان القتلة الى بيظهروا هما بس الى قتلوا عساكر ومجندين وسياسيين وكمان مفكرين وادباء!!! .. بردو انت غلطان!!!

استمرار الارهابيين والقتلة والمجرمين فى الظهور علنا والفخر بقتل ضحاياهم .. هل تعلم ان ابناء الضحايا الى الان احياء ويرون باعينهم التفاخر بقتل اباؤهم!!!

والسبب فى كل اللى احنا فيه دا كل الخونه والنخبة الجاهلة واغبياء العسكر و كلاب وقطيع الاخوان والثوار بغبائهم والاندفاع فى حروب وهمية بعد تقسيم المجتمع الى فلول ونخبة وثوار وعبيد وغير ذلك من التقسيم المتخلف لابعاد الكل وافساح المجال لاوسخ فصائل المجتمع لتنقض عليه وطبعا عاصرى الليمون .

للاسف الاسوء قادم لعدم الالتفات للمصلحه العامه حتى الان ومصلحة الوطن ومستقبلنا جميعا!!!

فيوجد منا من ينغمس فى المشاكل الفرعية والحلول الرجعيه والتشفي فى الاخطاء واصطيادها لبعضنا البعض فقط .. وكارثه العمل للمصلحه الشخصية او لمصلحه حزب اوجماعه وايدولوجيا بعينها فيحارب الجميع فقط لهذه المصلحه وعدم تقبل الاخر والصعود على المخالفين فقط للمصلحه الشخصية .. وعدم تقبل النقد وهذه مشكلة ثقافه فحينما اكون معارض لفكر ليس بالتالى يجب ان تنظر لى كعميل كافر رجعى وتضعنى فى خانه العدو وليس فى خانه الماعارض لفكرك فقط!!

فلول, ثوار, عبيد, اسلاميين, ليبراليين, اقباط, علمانيين, عسكر ونخبة …. اما ان نتحد او نموت جميعا من غبائنا!!!

 

فى صفحتنا 

فينديتا المصرى


'Guy Fawkes' 'V for vendetta'

Guy Fawkes mask

ناس كتير اوى عارفين الفيلم ده والقناع الشهير ده كان هو الرمز البطل فى الاحداث, لكن ظهوره دلوقتى فى احداث تانية كتير فى حتت كتير اوى  تخلينا نسئل مين ده !!.. تعالو نعرف اصل الشخصية دى وايه اللى ورا القناع ده


'Guy Fawkes' 'mask' 'v for vendetta in Egypt' 'Youth Movement' 'Egyptian anonymous'

Egyptian anonymous


القناع المستخدم كشعار هو قناع جاي فوكس

(بالإنجليزية : Guy Fawkes )

( عاش (1570-1606م

ولد في يورك لأسرة يعمل أفرادها محامون كنسيون بروتستانت،ولكن جاي أصبح كاثوليكيا.

في عام 1604م بعد أن يئس كاتسباي وأتباعه في الحصول على مساعدة للكاثوليك من جيمس الأول أشركوا جاي فوكس معهم في مؤامرتهم لنسف الملك والبرلمان وتنصيب الأميرة إليزابيث ملكة على البلاد. وقد عهد المتآمرون لفوكس بحفر سرداب أسفل بيت اللوردات مباشرة. وكانت مهمته هي أن يشعل الفتيل لتفجير البارود. وبعد أن استلم اللورد مونتيجلي رسالة تحذيرية أخذ أعوان الملك في البحث عن السرداب وفي النهاية تم اكتشافه والقبض على فوكس.

وقد واجه هذا الأخير التعذيب في البرج ببرود كبير ولكنه اعترف بالمؤامرة بعد أن وصلت مسامعه أنباء القبض على رفاقه المتآمرين.وقد تم إعدامه في وستمنستر في 31 يناير 1606م.

هناك تقليد سنوي يتم في الخامس من نوفمبر من كل عام في بريطانيا للأحتفال بفشل مخطط جاي فوكس وتسمى ليلة الأحتفال بليلة البون فاير

'v for vendetta mask' 'Guy Fawkes mask' 'Guy Fawkes day' ' anonymous'

Guy Fawkes mask

المشكلة اللى هنا هو استخدامة وترويج الظهور بيه كتير علشان المجاميع تكتر للى محتاجين المجاميع علشان يستخبو بينهم لما يبتدو شرارة اى احداث وعلشان يتوه الحق فى الباطل .. المخرب من اللى جاى يتفرج .. من المخرب والمسلح للى اتنقلته صورة متصورة من زاوية مخصوصة علشان تهيجه وتخليه يتعاطف وينزل .. من العميل للشهيد المظلوم فى الحدث ده كله ومع الاحداث التى نمر بها ومع دعوات صفحات النت والتويتر عن ارتداء هذا القناع! ومع رسالة غريبة من المجلس العسكرى عن رموز وشفرات لمجاميع فى الانترنت تدعو للفوضى !! وطبعا اغلب الناس اتريقت على موضوع الشفرات دى وهما مين الناس دى ؟


'Anarchism' 'V mask' 'anonymous' 'codes' 'Guy Fawkes'

Anarchism codes

وهنا استوقفنى شئ غريب فى متابعتى فى تويتر لاشخاص كثيرين .. والغريب هنا والذى استوقفنى بعد بيان المجلس ده بايام  كلام فى متابعة لحوار جاء فيه ذكر اسم جاى فوكس والرموز وان اجهزة الامن تعاملت معهم ورصدتهم

'Guy Fawkes' 'Mask' 'V for Vendetta' 'Anarchy'

Guy Fawkes group

وهنا كلامهم كان كمان على الخطاء الاملائى او المعرفى لجريدة الاخوان حينما كتبت فى مانشيت الصفحة الاولى عن خطة تخريب مصر عن طريق شباب يرتدى ماسكات “بانديتا” ليس “فينديتا” ولكن على حد تعبير الاخوة الرفاق -كما يطلقون احيانا على انفسهم- انهم تعاملو مع هذه الاخبار التى انتشرت فى كم من الجرائد والبرامج التلفيزيونية التى تحذر من المعلومات التى توافرت عن مجاميع سوف ترتدي هذا القناع وسوف تقوم باعمال عنف وخلق حدث لاشعال الموقف وما الى ذلك .. والرفاق تعاملو فى تويتر بانشاء هاشتاج باسم بانديتا للتهريج وتجميع الناس للتريقة على هذا الخطاء وبعض منهم صور فيديوهات فى اليوتيوب للتهريج على بانديتا وعلى فكر القناع وان المجلس والاعلام يخلق فزاعات جديده وهى اكاذيب .. وهذا المنهج فى الاصل لتمويع الحقائق وجعل الحقيقة ماده للضحك بمجرد سماعها وتسويق فكرة ارتداء القناع لاكثر عدد ممكن ايضا 

وهذا المنهج تم اللعب به على الشعب اكثر من مرة بظهورفيديوهات للاستهذاء من افعال او اقوال والتقليل من هذا الكلام وجعله ماده للسخرية وبالتالى لن تصدقها حتى وان ابصرتها بعينيك او سمعتها بنفسك .. وهذا المنهج يعتمد على النقد الساخر الممنهج احيانا والتلقائى احيانا اخرى من طبيعتنا كشعب مصرى كما يقال عننا اننا نحب النكته ولكن فى النص من يريد ان يجعلنا لا نرى الحقيقة او حتى نقف عندها لنصرة شئ اخر ؟؟ واستدل هنا مثلا باسلوب الدكتور باسم الذى ابتداء شهرته ايام الثورة من فيديوهات النقد الساخر مثلا وضحكنا على بعض منها وجعل هذا الكلام كالنكت .. ولكن مثلا نكتشف ان شخصية الصحفية التى تعامل معها انها مدسوسه من الاعلام المضلل مثلا وانها كاذبة فى حلقة قناة المحور مع الصحفية نجاة عبد الرحمن او شيماء كما سموها فى هذه الحلقة ونكتشف انها حقيقيه وان ماقالته يجب ان نقف عنده وايضا اثناء الحلقة على ما اتذكر او بعدها مباشرة ايضا اتصل بلال فضل الكاتب اليمنى المشهور فى مصر باحد القنوات وتكلم عن حلقة المحور وان نايفعلوه كذب وما الى اخرة !!!؟

'Bandetta' ' Vendetta' 'anarchy' 'twitter'

The Bandetta

ايضا هنا يجب ان نعرف ان هناك تنظيم وراء مايحدث بالفعل والغريب اننا حينما نسمع تبرير اى حدث من هذه الاحداث التى يتم بها عنف وحرق وما الى ذلك ونسمع عن القله المندسة او عن ايادى خفية وراء هذا فالكل يبتسم من تاثير كل النكت وفيديوهات التهريج على هذه الكلمات !!! ولكن احيانا تسمع كلمات او ترى اشياء من الممكن ان تحللها بانها بالفعل قله مندثة لاشعال مواقف ويترتب على اشعالها كثير من الاحداث التى من الممكن ان يصاب بها من هم ليسو من هذه القله  المندسة التى تنفذ عملها باشعال المواقف !! ومن بعد ياتى دور اخرين مثل الناشطين والاعلامين لتهييج الراى العام مع بعض فيديوهات وصور عن طريق الانتر نت .. ثم ياتى دور اعلى وهو السياسيين !!؟

' v for vendetta mask' 'anarchy' 'Anonymous' 'Egypt'

Anarchism into Egypt

انا اتعودت انى ماخدش كلام مسلمات من اى حد بالاخص فى الاعلام او السياسيين .. وبالتالى لم اصدق الجيش فى بياناته او تحذيراته عن الاكواد والفئة المندثة والمخربين وكل هذا الكلام وايضا لا اصدق كلام الاعلامين المرسل او حتى كلام المصابين وبالتاكيد لا اصدق كلام الناشطين بالاخص .. حتى اصدق لابد ان ابحث عن الحقائق او اى اثبات لهذا الكلام لاصدقة عن هذا الكلام !!؟ وطبعا فى ايام زى دى البحث اسهل بمرات عن ماقبل فحتى المعلومات المخابرية جزء منها كبير من الممكن ان تصل له ان بحث بشكل حقيقى بدون محاوله بحث فقط لاثبات وجهة نضر واحده

بالتالى اسمع عن المندثين والانركيين والانونيميس والالتراس وعن الاشتراكيين وغيرهم كثيرا ظهرو على السطح فى المجتمع المصرى فى هذه الايام .. وايضا اسمع كلام عن خطط لهدم الدولة والفوضى .. وارى احداث تطبق هذه الاحداث .. ولكن الغريب ان اجد ان هذه الاشياء تتواصل مع بعض بخيوط رفيعه خفية

'Ultras' 'anarchy' 'anarchism' 'v for vendetta'

Ultras anarchism on fire

فاجد اولاد شوارع بخيط من العلاقة الجيده مع النشطاء بحكم تعاملاتهم اليومية فى الميدان, واجد بعض النشطاء اشتراكين والانركيين ايضا وخيط علاقتهم مع التراس يوصل واولاد الشوارع ايضا .. وطبعا نشطاء سياسين مع انونميس بخيط اخر من العلاقة واعلامين بخيط رفيعه كثيرة مع الانركين والنشطاء الليبراليين وحتى مع بعض الاسلامين ايضا .. ولكن هذا الخيط فى احيان يكون مرئي واحيانا لا نراه بالمره

'anarchism' 'ultras' 'mask' 'v for vendetta'

Ultras mask

اسئل نفسى كثيرا عن العقيد عمر عفيفى ودورة الغريب حتى الان .. ولمن يتحدث؟ ومن بالفعل يسمع كلامه؟ وماذا بالفعل يريد؟  وعن دور النشط ياسر عبد القوى مثلا ,وهو معروف بانتمائة للاشتراكى والفكر الانركي ايضا وغيرهم من المشهورين فى تويتر والنت

'Anarchism' '25 Jan'

Anarchy on 25 Jan

والغريب ايضا محاولة الاحتكاك الدائم فالاشتراكيين الثورين تقولوا انهم ينظمون مسيرة لوزارة الداخلية مثلا , لما !!؟

'anarchy' 'anonymous'

anonymous 25 Jan

انا مع كل هذا لا اخشى من احداث فى يوم 25 يناير .. ولكن ان كان هناك مندثين وعملاء او اى اتجاهات تريد الشر لبلدنا وانهم دفعوا مبالغ كبيرة لهذه الخطة وتدمير الوطن العربي او تدمير مصر فقط .. فاعتقد ان من دفع هذه المبالغ وخطط مستفز جدا من ان مصر تحاول ان تصل لبر الامان ولا تنساق بالكامل لما يخطط لها من شرور وان الوضع الان – مع انه ليس بالجيد – ولكن خطونا بعض خطوات نحو دولة جديده ديمقراطية بانتخاب اعضاء مجلس الشعب ثم البداء فى اختيار لجنة الدستور لمباشرة عملهم وايام وتبداء انتخابات الشورى ثم الرئاسة .. ونكون دوله مستقرة مرة اخرى ولكن باسس ديمقراطية منتخبة تجعل من الصعب التدخل فى شؤونها ويكون بيد الشعب التغير السلمى بممارسة الديمقراطية .. وهذا سوف يكون عائق امام اى تدخل خارجى حتى لو بالشحن المعنوى

'Media' 'insiders' 'anarchism' 'NWO'

insiders on media

المهم ان نكون حذرين دائما من المحاولين لاختراق مجتمعنا وهدمة بتفتيته لاجسام كثيرة متناحرة فيما بينها حتى يسهل العمل على الاقليات

'anarchism' 'tahrir' '25 Jan'

Anarchism in Tahrir

انا كل اللى طلبه من كل المصريين انهم يخافوا على بلدهم وان احنا نسمع بعض اكتر ونحاول نطبق الديمقراطية على نفسنا الاول وكمان نحاول ندور على المعلومه ونفكر ونبحث بدل ما ناخد من ناس واعلاميين كل واحد وعنده افكاره مش لازم نصدق اى حد .. وبالذات فى الفترة دى من عمر بلدنا

حكم العسكر


احنا اللى ادينا الشرعية         للمجلس مش للـحـرمية

الحرامى يخاف من العسكر   واحنا الشعب الخط الاحمر

Image

Post Navigation